نشرة اخبار ماركتنج بالعربي الاسبوعية

نشرة اخبار ماركتنج بالعربي الأسبوعية.

في ماركتنج بالعربي بننزل كل اسبوع أهم التحديثات اللي حصلت في عالم الديجتال ماركتنج، ومتأكدين انها تهمك سواء لسه بتبدأ في المجال أو حابب تكون عارف كل التحديثات اول بأول. هنساعدك انك تعرف كل المعلومات اللي محتاج تعرفها بكل سهولة. عشان كده احنا هنوضح لك أهم التحديثات اللي حصلت الاسبوع ده:

‏‎‏‎‏‎ تضيف ميتا Meta أدوات لـ تطبيق ثريد Threads:

‏‎مع ظهور تطبيق ثريد Threads، استغلت ميتا ظهوره الجديد وعدد الحسابات اللي اضافته كبيرة جدا. ميتا أصدرت إضافة لأدوات محتوى للتسويق الخاص بالعلامات التجارية، ومنها أدوات خاصة بتطبيق ثريد Threads، وممكن قريب نلاقى بعض أدوات الإعلانات المدفوعة على تطبيق ثريد Threads.

‏‎‏‎ إضافة المنتجات في قصص انستجرام Instagram Story:

تحديث ‏‎انستجرام الجديد يعمل على اضافة ميزة جديدة لعرض منتجاتك في القصص Stories، من خلال انك تقدر تضع إشارة للمنتج Tag Product زي ما بتعمل على صفحة الأخبار في انستجرام "Instagram news feed". وبالتالي هيقدر متابعينك انهم يعرفوا تفاصيل منتجاتك بكل سهولة.

تسجيل الدخول على واتساب ويب WhatsApp Web برقم الهاتف:

تحديث واتساب الجديد ‏‎يعمل على خاصية جديدة على واتساب ويب WhatsApp Web، وهي انك لما تيجي تعمل تسجيل الدخول من على جهاز الكمبيوتر بيطلب منك QR Code في العادي لكنه اضاف انك ممكن كمان تسجل الدخول من خلال رقم الهاتف بالإضافة إلى QR Code، وهيكون متاح في البداية لمستخدمي نظام الـ IOS فقط.

‏‎ يضيف تويتر عناصر جديدة للفيديوهات:

تحديث تويتر الجديد يعمل على تحسين تجربة الفيديو على المنصة، من خلال ميزة Airplay اللي هتقدر من خلالها تشارك مقاطع الفيديو على شاشة التلفزيون، كمان تويتر يسمح لمستخدمين تويتر بلو Twitter Blue برفع مقاطع فيديو تصل مدتها إلى ساعتين. وبالتالي ده هيساعدك انك تعلن عن منتجاتك او خدماتك من خلال تويتر بكل سهولة.

أهم الاخبار في مجال الديجتال على مدار الاسبوع

خطأ بمايكروسوفت يتسبب في اختراق ايميلات الحكومة الأمريكية:

بعض المخترقين " قراصنة الإنترنت" قاموا باستغلال ثغرة في مايكروسوفت كلود Microsoft Cloud، والخطأ البسيط ده

أدى إلى اختراق ايميلات الحكومة الأمريكية، وكان عدد الحسابات اللي اخترقوها وصل إلى 25 حساب، وكانت وزارة الخارجية من ضمن الحسابات المخترقة، ولكن محدش أعلن عن النتائج اللي حصلت بعد الاختراق.

الآن.. Google Bard يدعم اللغة العربية:

‏‎أعلنت جوجل عن منافس لشات جي بي تي Chat GPT من شهور فاتت وهو Google Bard، والنهاردة جوجل أعلنت أنه متاح باللغة العربية و 46 لغة تانية، كمان Bard تقدر من خلاله تعرف الاجابة على اسئلة كتير وكمان يدعم خاصية الترجمة والبرمجة وغيرها من المهام المختلفة.

بعد ما عرفت التحديثات الجديدة، يا تري تحديث تويتر وانستجرام هيفرقوا معاك ولا شايف ان التحديثات دي هتعمل حيرة للمستخدمين؟ وكمان خاصية تويتر ممكن تعلن بكل سهولة فعلا على التلفزيون ولا هتكلفك فلوس اكتر؟ لسه التحديثات تحت التنفيذ لو عايز تعرف هتوصل لفين التحديثات تابع كل مقالاتنا اول بأول كل يوم في ماركتنج بالعربي عشان تتابع كل جديد وعشان تعرف طريق عمل اعلان ممول انستجرام خطوة بخطوة للمبتدئين 2023 و لو عايز البيزنس بتاعك يكبر ومحتاج افضل شركة تسويق الكتروني في مصر وعايز تعرف اكتر عن مجال الديجتال ماركتنج كل ده واكتر وضحناه في مقالاتنا السابقة. بنشجعك انك متترددش تكتب كومنت وتسألنا على أى حاجة هنرد عليك فورا. كمان قولنا في الكومنتات ايه اكتر تحديث من دول شايف انه هيكون افضل ومهم بالنسبة لك؟