نشرة اخبار ماركتنج بالعربي الاسبوعية

نشرة اخبار ماركتنج بالعربي الأسبوعية.

في ماركتنج بالعربي مهتمين اننا كل اسبوع نقولك كل تحديث جديد بيحصل عشان تكون أول واحد يعرفه من منصتنا اللي بتقدم معلومات عن مجال الـ ديجيتال ماركتنج بالعربي، عشان كده هنوضح لك أهم التحديثات اللي حصلت الاسبوع ده:

يختبر واتس اب وضع الإخفاء " Disappearing Mood" :

تحديث واتس اب الجديد، اضافة ميزة جديدة ولسه تحت الاختبار وهي تفعيل وضع الإخفاء، واللي دوره انه يقوم بإخفاء جميع الرسائل الخاصة بك في المحادثات Chat، وكمان الصور والفيديوهات، عشان بوفر لك مزيد من الخصوصية.

واتس اب يضيف تسجيل رسالة فيديو " Video Record " :

تحديث واتس اب الجديد، لسه تحت التنفيذ والاختبار ميزة جديدة في الواتس اب وهي ميزة تسجيل رسالة صوتية فيديو، يعني تقدر ترسل رسالة صوتية " voice note " والكاميرا تكون مفتوحة وتكون بتبعت الرسالة صوت و صورة. لسه التحديث تحت الاختبار و هيوصل لباقي الأجهزة الفترة الجاية. من وجهة نظرك الميزة دي مفيدة ولا لأ؟

يضيف تيك توك المنشورات النصية " Text Posts " :

تيك توك يقوم بإضافة المحتوى النصي، يعني هتقدر تنشر محتوى مكتوب وتختار الخطوط، وإضافة الخلفية " Background " المناسبة، وكمان هتقدر تضيف الاغاني المفضلة عندك " Sounds "، وتقدر تكتب منشور لحد 1000 حرف. تفتكر الميزة دي على تيك توك هتكون مهمة فعلا وهتنتشر بين الناس بسرعة ولا لأ؟

‏ ‎يدعم التيليجرام ميزة القصص " Stories " :

‏‎أعلن تيليجرام عن إضافة القصص " Stories " إلى المنصة، لكن كل مستخدمي تيليجرام يقدروا يشوفوا القصص Stories، ولكن إضافة القصة Story متاحة فقط للمستخدمين المميزين Premium Users.

يختبر انستجرام مشاركة الموقع " Location " في الملاحظات" Notes " :

انستجرام يفاجئنا بظهور مميزات جديدة بدأت من أول مرة ميزة الملاحظات Notes على انستجرام لكتابة النصوص، وبعدها مشاركة الأغاني Sounds، وشخصية الافاتار Avatar، ودلوقتي تختبر منصة انستجرام مشاركة الموقع Location في الجزء الخاص بالملاحظات Notes.

‏ ‎ تختبر منصة ريديت Reddit توثيق الحسابات:

بدأت منصات السوشيال ميديا أنها تعلن عن طرق التوثيق لحساباتها زي خدمة توثيق حساب الفيسبوك المدفوعة، دلوقتي تنضم منصة ريديت إليهم وتختبر ميزة توثيق الحسابات، وتقدر تعرف الحسابات الموثقة من خلال كلمة "Official" الموجودة بجانب اسم الحساب.

‎تجاوز فيسبوك 3 مليار مستخدم نشط:

‏‎أعلنت ميتا Meta في آخر تقرير لها أن عدد المستخدمين النشيطين Active Users تجاوز الـ 3 مليار مستخدم نشط شهريًا، والرقم ده طبعا ارتفع مقارنةً عن قبل، وده لأن الارتفاع في عدد المستخدمين النشطين ليس في منصة فيس بوك فقط ولكن في باقي تطبيقاتها زي: انستجرام، ماسنجر، واتس اب.

بكده عرفت ايه التحديثات اللي حصلت الاسبوع ده في عالم الـ Marketing بالعربي، من وجهة نظرك هل شايف ميزة تسجيل الرسائل صوت و صورة على واتس اب هيكون أفضل بالنسبة لك؟ وكمان بتفضل اكتر انك تنشر محتوى نصي على تيك توك ولا انك تنشر فيديوهات؟ شاركنا برأيك في الكومنتات وقولنا ايه التحديث المهم بالنسبة لك.

كمان لو عايز تعرف كل جديد بيحصل في عالم الديجيتال ماركتنج بالعربي تابع كل مقالاتنا اول بأول كل يوم في ماركتنج بالعربي عشان تتابع كل جديد وهتعرف طرق زيادة عدد المتابعين على انستجرام وإجابة كتير من الاسئلة اللي بتدور عليها.

وكمان لو محتاج شركة اعلانات هتعرف ازاي تختار افضل شركة اعلانات سوشيال ميديا من خلال مقالتنا ولو مهتم تعرف اكتر عن مجال الـ ديجيتال ماركتنج بالعربي كل ده واكتر وضحناه في مقالاتنا السابقة.

بنشجعك انك متترددش تكتب كومنت وتسألنا على أى حاجة هنرد عليك فورا، وقولنا ايه رايك في التحديثات الجديدة.