كيفية انشاء متجر الكتروني احترافي 2023

كيفية انشاء متجر الكتروني احترافي 2023

عايز تنشئ متجر إلكتروني لمشروعك التجاري، لكن مش عارف الطريقة لـ كيفية انشاء متجر الكتروني، ممكن تكون فاكر ان عملية انشاء متجر الكتروني صعبة ومعقدة. لكن في الحقيقة، احنا في ماركتنج بالعربي هنقولك كيفية انشاء متجر الكتروني احترافي بسهولة في 15 دقيقة من غير ما تتعلم لغات البرمجة أو تستعين بمصمم مواقع الكترونية. في المقالة دي هنقولك يعني ايه متجر إلكتروني وأهميته وكيفية انشاء متجر الكتروني مجانى.

ما هو المتجر الإلكتروني؟

المتجر الإلكتروني هو منصة للتجارة الالكترونية تقدر من خلالها انك تعرض منتجاتك او خدماتك وتبيعها عبر الإنترنت وكمان تعرض خيارات الدفع المختلفة لعملائك زي الدفع عند الاستلام او الدفع من خلال الحساب البنكي أو المحفظة الالكترونية عشان يبقي في امكانية لكل عملائك من كل مكان في العالم انهم يشتروا منتجاتك. كتير من أصحاب الشركات والمشروعات بيهتموا بـ عمل متجر الكتروني عشان يحسنوا من نشاطهم التجاري وزيادة عدد عملائهم وزيادة المبيعات والإيرادات، عشان كده مهتين اننا نوضحلك طريقة عمل متجر الكتروني.

المتجر الإلكتروني من أفضل طرق التجارة الإلكترونية اللي هتساعدك انك توصل لجمهورك المستهدف بسهولة. عشان كده طريقة انشاء متجر الكتروني لأي عمل تجاري مهم جدا، خصوصا في السنوات الأخيرة مع زيادة عدد مستخدمي الإنترنت وزيادة رغبة العملاء في الشراء من خلال منصات التجارة الإلكترونية عبر الإنترنت.

الفرق بين الموقع الإلكتروني والمتجر الإلكتروني؟

طبعا في اختلاف كبير بين إنشاء الموقع الإلكتروني وطريقة انشاء متجر الكتروني. لأن من خلال الموقع الإلكتروني تقدر تطلع على المعلومات اللي محتاج تعرفها أو مثلا قراءة الأخبار أو التواصل الاجتماعي أو مشاهدة صور ومقاطع الفيديو وكمان تقدر تعرف أحدث الكتالوجات والأخبار في مجال معين، بالتالي ده معناه أن كل موقع الكتروني له هدف معين أو يشارك جمهوره خدمة مميزة عن غيره من المواقع الالكترونية.

لكن الهدف من كيفية انشاء متجر إلكتروني هو عرض منتجاتك او خدماتك ويقوم عملائك بعملية الشراء بكل سهولة، كمان المتجر الالكتروني هو من أنواع المواقع الالكترونية اللي تتميز بخصائص مختلفة بتدعم التسوق الإلكتروني لعملائك من كل أنحاء العالم وهتساعدك في عملية البيع والشراء وطرق الدفع عبر الإنترنت من غير تدخل أي عنصر بشري. ببساطة لو كان هدفك هو بيع منتجاتك أو خدماتك عبر الإنترنت، يبقى الحل الأمثل هو صنع متجر الكتروني مجاني. أما لو كان هدفك مثلا انك تشارك جمهورك المستهدف مقالاتك لزيادة الوعي بعلامتك التجارية و زيادة زوار موقعك مجانا، في الحالة دي ممكن تقوم بإنشاء موقع الكتروني عادي.

أهمية انشاء متجر الكتروني مجانى والربح منه:

الإحصائيات بتبين ان مبيعات التجارة الإلكترونية في أنحاء العالم وصلت 4.28 تريليون دولار في سنة 2020 ومن المتوقع يكون في زيادة في نسبة عائدات التجارة الإلكترونية انها توصل إلى 6.38 تريليون دولار في سنة 2024. كمان من المتوقع أن 95% من المشتريات انها تكون عبر التجارة الإلكترونية في سنة 2040. وده يؤكد نجاح تجربة التسوق الإلكتروني في جميع أنحاء العالم.

بالإضافة ان الأبحاث وضحت أن 88% من تجار التجزئة مهتمين ببيع منتجاتهم وخدماتهم عبر الإنترنت، وأن 66% من إيرادات تجار التجزئة بتكون من خلال انشاء متجر الكتروني مجاني. كمان 42% من مشتريات المستخدمين عبر الانترنت بتكون من خلال التسوق عبر متجر الكتروني.

كيفية انشاء متجر الكتروني مجاني:

لو عندك شركة او مشروع وعايز توسع نشاطك التجاري عبر الإنترنت أو لو لسة بتبدأ خطواتك في سوق التجارة الإلكترونية، يبقى خليك عارف ان خطوات انشاء متجر الكتروني مجاني سهلة مع توافر نظم إدارة المحتوى (Content management system) اللى بتحتوى على مزايا كتير عند إنشاء منصات التجارة الإلكترونية، عشان كده هنقولك كيفية انشاء متجر الكتروني احترافي خطوة بخطوة:

1- إنشاء موقع ووردبريس واختيار اسم النطاق:

مهم انك تقوم بـ انشاء موقع الكتروني من منصة ووردبريس عشان تقدر تقوم بتثبيت إضافة ووكومرس WooCommerce. لكن لو مش عندك موقع الكتروني على ووردبريس، تقدر تبدأ في انشائه مجانًا دلوقتي.

وعشان تقوم بـ انشاء متجر الكتروني، محتاج انك تشتري اسم نطاق (Domain Name). لأنه هو مفتاح نجاح علامتك التجارية و زيادة جمهورك المستهدف وبالتالي بناء الثقة مع عملائك، بالاضافة الى ان اسم النطاق يراه عملائك في عنوان URL لما يقوموا بالدخول إلى متجرك الالكتروني أو عند البحث على محركات البحث زي جوجل. يظهر للمستخدمين والعملاء بالتالي:

لما تختار اسم النطاق، اختاره يكون مميز وخالي من الغموض، ويكون مناسب لـ تحسين محركات البحث SEO، لأن عند إضافة مصطلح معروف بين مستخدمي الإنترنت إلى اسم النطاق، بالتالي ده بيساعدك على تصنيف المتجر الإلكتروني في مرتبة أعلى على محركات البحث، وطبعا هتضمن زيادة في عدد الزيارات إلى متجرك الالكتروني و زيادة مبيعاتك.

2- حدد خطة أسعار مناسبة:

نظام ووردبريس wordpress بيوفر لك أكتر من خطة أسعار تناسب احتياجاتك، وممكن تجرب النسخة المجانية الأول، وبعد كده تقدر تحدد خطة الأسعار المناسبة لمشروعك التجاري و لميزانيتك. فلكل خطة مميزات، وطبعا لما بتختار خطة أسعار أعلى، بتزيد المميزات اللي هتحصل عليها لمتجرك الإلكتروني.

كمان تكلفة انشاء متجر الكتروني احترافي لمشروعك التجاري يكون على حسب حجم أعمالك و أهدافك التسويقية. لو هتدفع ميزانية كبيرة عشان تشتري خطة أسعار متقدمة، بالتالي ده ينعكس على متجرك الالكتروني بالإيجاب خصوصا لو كان نشاطك التجاري كبير، وبكده دي من ضمن طرق كيفية انشاء متجر الكتروني لبيع المنتجات.

3- انشاء متجر الكتروني وتأمينه:

في المرحلة دي تكون بتهتم بهيكلة متجرك الإلكتروني قبل ما يظهر إلى جمهورك المستهدف، وكمان فيها مهام كتير منها اختيار تصميم جذاب اللي من خلاله يكون متجرك مميز عن متجر منافسينك. مش محتاج انك تكون خبير في تصميم متجرك الالكتروني، لانك بكل سهولة تقدر تقوم بـ انشاء موقع تجارة إلكترونية لجمهورك المستهدف، من خلال اختيار القوالب أو السمات في ثواني.

وقبل اختيار القالب، مهم انك تكون عارف المميزات اللي عايز انها تكون متواجدة لما تقوم بـ صنع متجر الكتروني مجاني وكمان تحدد شكل الصفحة الرئيسية لمتجرك، عشان يعرف الزوار من الوهلة الاولي نوع نشاطك التجاري اول ما يتصفحوا موقعك، بالإضافة إلى انك تكون محدد مسار المشتري بدقة، ومن الضروري أن يكون المسار واضح وسهل ويكون هدفه زيادة عدد عمليات الشراء.

كمان خلي بالك ان من ضمن طرق كيفية انشاء متجر الكتروني مجاني والربح منه هو انك تكون محدد في متجرك الالكتروني الصور ومقاطع الفيديو وحجم النصوص والألوان اللي هتستخدمها وكمان تقوم بتضمين منصات التواصل الاجتماعي في صفحات متجرك الالكتروني، وغيرها وتقدر تنفذ كل ده في دقائق وتعدله بعدين لو عايز فى أى وقت.

بعد كده، تبدأ في إضافة منتجاتك أو خدماتك اللي عايز تبيعها وتعرضها على متجرك الالكتروني، تقدر تقوم بـ عمل متجر الكتروني من خلال إنشاء لوحة تحكم شاملة هتساعدك في عرض منتجاتك بأسلوب جذاب ومتناسق، وكمان تقدر تقوم بإضافة صورة المنتج واسمه وسعره ووزنه وتصنيفه في فئة معينة.

4- إعدادات طرق الدفع:

التجارة الإلكترونية تعتمد على أساس إجراء المدفوعات عبر الإنترنت، من خلال طرق الدفع اللي تقدر توفرها على متجرك الالكتروني ويتحول الزائر العادي إلى عميل في ثواني بعد ما يقوم بعملية الشراء. عشان كده هتلاقى ان اعدادات طرق الدفع سهلة جدا لما تقوم بـ خطوات عمل متجر إلكتروني.

في خيارات دفع إلكتروني كتير تقدر توفرها عبر الإنترنت ومنها البطاقات البنكية زي الفيزا او ماستر كارد Visa أو Mastercard، وفي وسائل دفع تانية زي باي بال او فوري وغيرها. ممكن من كتر طرق الدفع الموجودة تحتار وتبقي عايز تعرف افضل طرق الدفع، ولكن ده يتوقف على عدد المبيعات اللي عايز تحققها و كمان خصائص جمهورك المستهدف وأماكن تواجدهم.

عشان كده مهم الإجابة على اسئلة كتير قبل اختيار طرق الدفع الإلكتروني، مثل هل لديك عملاء من بلاد مختلفة؟ وايه هي؟ هل متجرك الإلكتروني آمن وصعب اختراقه حتى يطمئن جمهورك؟ هل ميزانيتك كافية أنك تسدد رسوم وتكاليف طرق الدفع المختلفة؟ هل وسيلة الدفع اللي قررت انك تختارها هتكون الأفضل لمتجرك الالكتروني و لجمهورك المستهدف؟

5- ضبط خيارات الشحن:

من أهم خطوات كيفية انشاء متجر الكتروني احترافي، بعد ما تقوم بإضافة منتجاتك او خدماتك واختيار طرق الدفع الإلكتروني المناسبة لمتجرك، لازم تفهم كيفية ضبط خيارات الشحن. لان بيكون متاح ليك خيارات شحن كتير، و موفر أدوات لإدارة الشحن وخدمات الإعداد اللي قبل الشحن للمنتجات.

وتتضمن المرحلة دي ادخال بيانات الشحن زي العنوان وتحديد المناطق الجغرافية اللي متواجد فيها عملائك. وكمان مهم انك تتأكد وتكون على دراية بأسعار الشحن والضرائب اللى ممكن تُفرض على عملائك حسب مكان إقامتهم. كمان محتاج تعرف أساسيات الشحن وفهم أنواعه ودراسة طرق توصيل منتجاتك إلى عملائك وتختار اللي يناسبك.

أهم 4 نصائح لـ كيفية انشاء متجر الكتروني:

لو لسه بتبدأ نشاطك التجاري عبر الإنترنت، ومش عارف ازاى تجذب عملائك إلى منتجاتك، وازاي تحتفظ بالمستهلكين وتحويلهم إلى عملاء فعليين لعلامتك التجارية نوضح لك نصائح مهمة عن كيفية انشاء متجر الكتروني هتساعدك في زيادة مبيعاتك وجذب عملائك ومنها:

1. تحسين تجربة المستخدم UX

تحسين تجربة المستخدم مهم لمتجرك الالكتروني، فلو كانت تجربة المستخدم في متجرك الإلكتروني بطيئة، يبقي مش هتحقق زيادة في مبيعاتك، أما لو كانت تجربة المستخدم سهلة، بالتالي هتسهم في إتمام عمليات الشراء وزيادة نسبة رضا عملائك عن منتجاتك. عشان كده مهم انك تتبع أفضل الممارسات عشان تحسن تجربة المستخدم في متجرك الالكتروني.

2. لا تتجاهل صفحة “من نحن”

صفحة “من نحن” على متجرك الالكتروني، هتساعد جمهورك المستهدف انه يفهم نوع نشاطك التجاري ويعرف رسالتك اللي عايز توصلها والمنتجات او الخدمات اللي بتقدمها إلى عملائك وتبين معلومات الاتصال الخاصة بك، زي البريد الإلكتروني وأرقام هاتفك وحسابات التواصل الاجتماعي. عشان كده لازم تقوم بصياغة صفحة “من نحن” باحترافية لأنها هتساعدك في زيادة فرصك في اكتساب عملاء جدد يثقون في منتجاتك أو خدماتك.

3. الشراكة مع المنظمات المختلفة

عشان تبني علامتك التجارية محتاج انك تكون صورة ذهنية مناسبة لجمهورك المستهدف. وبالتالي تحتاج عمل عقد شراكة مع العلامات التجارية الأخرى وتقوم بتوسيع قاعدة شركائك بقدر الإمكان. لان ده بيزود من ثقة عملائك بعلامتك التجارية، ويقوي الصورة الذهنية لعلامتك التجارية. عشان كده ضع قائمة الشركاء في مكان واضح بالصفحة الرئيسية على متجرك الإلكتروني عشان يشوفها جميع عملائك اول ما يدخلوا لمتجرك الالكتروني.

4. تقييمات العملاء والرد عليهم

من خلال خطوات كيفية انشاء متجر الكتروني هتقدر تقييم منتجاتك وتشوف ملاحظات وآراء عملائك على منتجاتك، من الصعب أن عملائك يوصلوا ليك بطريقة مباشرة من خلال المتجر الإلكتروني، عشان كده يتركوا تعليقاتهم على منتجاتك اللي هيشتروها عشان تستفيد من آرائهم وكمان عملائك المحتملين.

ملخص

لو عايز تحقق كيفية انشاء متجر الكتروني، او لو عندك مشروع تجارى وعايز تعرف خطوات انشاء متجر الكتروني مجاني، احنا في ماركتنج بالعربي وضحنا لك في المقالة دي كيفية انشاء متجر الكتروني مجاني والربح منه، لانه هيساعدك انك تعرض منتجاتك بكل سهولة ويقوم عملائك بإتمام عمليات الشراء من غير ما تتواصل معاهم بطريقة مباشرة.

عشان يكون متجرك الالكتروني ناجح وجذاب لعملائك اتاكد ان الصفحة الرئيسية واضح فيها نوع نشاطك التجاري من أول وهلة وكمان وفر لعملائك طرق دفع مختلفة تناسب مكانهم الجغرافي وسلوكياتهم.

كمان لو محتاج انك تعرف اكتر عن مجال الـ ديجيتال ماركتنج بالعربي تقدر تزود معلوماتك وتنمي مهارتك وتعرف اسهل طريقة لـ إنشاء الموقع الإلكتروني. كمان لو عايز تعرف عن مواضيع لها علاقة بمجال الـ Marketing بالعربي، تقدر تتابع كل مقالاتنا فى ماركتنج بالعربي وتعرف كل تحديث جديد ولو مهتم كمان بتطوير البيزنس الخاص بيك وعايز تعرف ازاي تختار افضل شركة اعلانات سوشيال ميديا وغيرها من المواضيع يبقي تابع كل مقالتنا اول بأول عشان تكون مواكب لكل جديد. وبنشجعك لو عندك أى استفسار ممكن تكتبلنا كومنت وهنتواصل معاك فورا.