ماهو تطبيق ثريد Thread وما هي مميزاته

ماهو تطبيق ثريد Thread وما هي مميزاته

انتشر اخر فتره ان مارك زوكربيرج اعلن عن تطبيق ثريد Thread، وحمل التطبيق 10 مليون مستخدم في أول 7 ساعات من نزول تطبيق ثريد Thread.

ايه هو تطبيق ثريد Thread؟

تطبيق ثريد Thread هو تطبيق جديد أطلقته شركة “ميتا” واللي يملكها مارك زوكربيرج، التطبيق بيكون مرتبط بتطبيق انستجرام الخاص بيك واللي تمتلكه شركة ميتا كمان.

وهو تطبيق جديد بينافس “تويتر”،لانك تقدر تكتب بوست بعدد حروف اكتر من تويتر، تطبيق ثريد Thread شبه تطبيق انستجرام في شكله، ولكن شبه المميزات اللي موجودة في تويتر لحد دلوقتي، بالاضافة انك تقدر تربط تطبيق ثريد Thread بحسابك على تطبيق انستجرام.

ليه انستجرام؟

انستجرام هو المكان اللي بيتواصل فيه مليارات الأشخاص حول العالم عبر الصور ومقاطع الفيديو. عشان كده تم توسيع انستجرام وتحويله إلى نص عن طريق تطبيق ثريد Thread. وبالتالي خلق مساحة إيجابية أكبر و مبتكرة للتعبير عن أفكارك و هتقدر تتابع نفس اصحابك اللي بتتابعهم على انستجرام.

عدد الأحرف المسموح بيها في تطبيق ثريد Thread

ممكن تكتب بوست او منشور يوصل إلى 500 حرف وكمان تقدر تنزل صور لحد 10 صور ومقاطع فيديو توصل إلى 5 دقائق. بالاضافة انك ممكن بسهولة تشارك البوست من تطبيق ثريد Thread من خلال القصة "story" الخاصة بيك على انستجرام ، أو تشارك البوست الخاص بيك من خلال لينك على أي منصة تانية تختارها.

ازاي تضيف متابعين على تطبيق ثريد Thread؟

لما تسجل الدخول على تطبيق ثريد Thread ؛ هتظهر قائمة للناس اللي بتتابعهم على إنستجرام؛ وممكن تحدد أشخاص معينين عشان تتابعهم أو تتابع الكل مرة واحدة.

ايه الاعلانات الموجودة على تطبيق ثريد Thread؟

الحقيقة أن تطبيق ثريد Thread خالي من الإعلانات ودي يمكن من افضل المميزات لأنك هتقضي وقت من غير ما عينيك هتشوف اعلانات زي باقي منصات التواصل الاجتماعي، وممكن ان يكون في احتمال أن تتم إضافة الإعلانات من خلال ميتا لما يتم زيادة عدد المستخدمين بشكل كبير، ولحد ما ده يحصل فهو خالي من أي إعلانات مرئية داخل تطبيق ثريد Thread.

خلي بالك لما تيجي تمسح الاكونت الخاص بيك على تطبيق ثريد Thread هيتطلب منك انك تمسح الاكونت الخاص بيك على انستجرام كمان ولحد دلوقتي هو ده العيب الوحيد اللي الناس بتشتكي منه على تطبيق ثريد Thread.

ملخص

بكده انت عرفت ايه هو تطبيق ثريد Thread و مميزاته، تقدر دلوقتي تنزله و تكتشفه بنفسك اكتر، ويعتبر تطبيق ثريد Thread شبه تويتر في الاستخدام والشكل بطريقة كبيرة.

كل لحظة في تحديثات في عالم السوشيال ميديا عشان تكون اول واحد يعرف كل جديد بيحصل تابع كل مقالاتنا على ماركتنج بالعربي واعرف سر الخطط التسويقية لاشهر ماركات في العالم.

كمان لو مهتم تعرف ازاي تعمل اعلانات ممولة على السوشيال ميديا أقرأ مقالاتنا وكون مستعد دائما لكل مقالة جديدة بتنزل لانك هتكتشف معلومات دايما جديدة ومهمة ليك في المجال علطول عشان كده بنشجعك لو عندك أي استفسار متترددش انك تكتبلنا كومنت وهنتواصل معاك فورا.