اهمية تحسين محركات البحث

اهمية تحسين محركات البحث

تحسين محركات البحث واحد من أكتر المواضيع اللي بتشغل حيز كبير من تفكير كل صاحب بيزنس وهل أهمية تحسين محركات البحث كبيرة للدرجة اللي تستاهل الوقت والجهد ولا هو مش بالأهمية دي؟ دي أسئلة دايمًا بتشغل كل صاحب بيزنس وبيفضل مش عارف هل من الأفضل إنه يعين خبير تحسين محركات البحث ولا دة هيكلفه فلوس أكتر من غير فايدة. عشان كدة هنجاوبك على كل أسئلتك وهنعرفك أهمية تحسين محركات البحث لموقعك.

إيه هو تحسين محركات البحث؟

عشان تعرف تحدد هل تحسين محركات البحث مفيد للبيزنس الخاص بيك ولا لا محتاج قبلها تعرف إيه هو تحسين محركات البحث. تحسين محركات البحث هو ببساطة كيفية الظهور في نتائج البحث الأولية في محركات البحث المختلفة زي جوجل وياهو وغيرهم. ودة عن طريق تهيئة موقعك بشكل كامل عشان يقدر يحصل على تقييم عالي من محركات البحث نفسها وبالتالي تقرر محركات البحث ظهور موقعك في النتائج الأولية. ودة بيتم عن طريق إتباع إستراتيجيات هتعرفها دلوقتي.

كيفية تحسين محركات البحث:

عشان تقدر تتصدر نتائج البحث الأولية محتاج تعرف كيفية تحسين محركات البحث واللي بتشمل إنك تقدم محتوى متجدد وجيد يكون بيقدم قيمة وإفادة حقيقية للمستخدم. وهنا لازم تعرف إن أكتر حاجة بتهم محركات البحث هو راحة المستخدم وإنه يلاقي اللي بيدور عليه بسهولة. عشان كدة بيهتموا جدً بجودة المحتوى وإنه يكون بيقدم معلومات حقيقية ومفيدة للمستخدم. أما بالنسبة للمحتوى المرئي فا لازم يكون بجودة عالية، له علاقة بالمحتوى المكتوب، ويكون كمان بيساعد في توصيل المعلومة بشكل أسهل وأسرع للمستخدم. تاني حاجة هي إستخدام الكلمات المفتاحية بالطريقة الصح وفي الأماكن الصح ودة هتلاقي عنه معلومات أكتر من هنا. بس أهم حاجة محتاج دايمًا تعملها هي إنك توفر تجربة سهلة للمستخدم وبالتالي يجيلك عدد زيارات أكتر ويزيد تقييمك وتقدر تتصدر النتائج الأولية.

تحسين محركات البحث داخل الصفحة:

لما بنتكلم على عوامل تحسين محركات البحث ممكن نقسمها لقسمين؛ الأول هو عوامل تحسين محركات البحث داخل الصفحة ودي اللي بتتضمن جودة المحتوى، العناوين، الروابط الداخلية أو الـ internal links واللي بتكون عبارة عن وجود روابط تدخل المستخدم لصفحة تانية من صفحات موقعك. وكل دي عوامل مهمة جدًا لتحسين محركات البحث وظهورك في النتائج الأولية.

تحسين محركات البحث خارج الصفحة:

تاني قسم من عوامل تحسين محركات البحث هي عوامل تحسين محركات البحث خارج الصفحة واللي بتشمل وجود domain قوي ومناسب، سرعة تحميل الموقع، تجربة مستخدم سهلة، والروابط الخارجية واللي بتتقسم نوعين النوع الأول هو إنك تحط بعض اروابط الخاصة بمواقع تانية على موقعك أو إن مواقع تانية تروج لموقعك عن طريق إنها تحط رابط موقعك جوا المحتوى بتاعها. والعوامل دي بتؤثر بشكل قوي ومباشر على تقييم موقعك من محركات البحث وبالتالي تحسين محركات البحث لموقعك.

أهمية تحسين محركات البحث:

بعد ما عرفت إيه هو تحسين محركات البحث وكيفية تحسين محركات البحث وأنواعه، محتاج تتعرف على أهمية تحسين محركات البحث عشان تقدر تاخد قرار مظبوط وتعرف هل تحسين محركات البحث بند مهم في عملية التسويق ولا لا.

• قلة التكلفة:
  

تحسين محركات البحث واحدة من أدوات التسويق المجانية واللي بتعتمد على الـ organic reach أو الوصول المجاني بمعنى إنك مش بتحتاج تدفع فلوس للمواقع المختلفة عشان تظهر في النتائج الأولية. ودة لإنك لو إتبعت الخطوات والإستراتيجيات اللي إتكلمنا عنها هتقدر تتصدر نتائج البحث من غير ما تدفع فلوس مقابل دة. وعشان كدة هي أداة كويسة جدًا لو كانت ميزانيتك بسيطة لأن كل اللي بتحتاجه هو تعيين خبير تحسين محركات البحث وكاتب محتوى مُبدع. ودة بيخليه من البنود المهمة جدًا في بنود التسويق لأنه بيوفرلك نتائج كويسة جدًا بأقل تكلفة.

• أداة طويلة المدى:
  

من مزايا تحسين محركات البحث إنها أداة تسويق طويلة المدى. بمعنى إنه على عكس منشورات منصات التواصل الإجتماعي اللي بتظهر على الصفحة الرئيسية لوقت قليل وبعدها هيكون الطريقة إنها تتشاف إن المستخدم يدخل بنفسه جوا صفحتك. ولكن تحسين محركات البحث بيخلي موقعك يتصدر نتائج البحث الأولية لفترة طويلة ولو حصل أي تراجع في ترتيبه بتقدر تاني ترجعه للنتائج الأولية عن طريق تجديد المحتوى ومعالجة أي مشاكل ظهرت.

• القدرة على قياس ومتابعة النتائج:
  

من مزايا تحسين محركات البحث إنك بتقدر تتابع النتائج بسهولة وبتقدر تعرف عدد الزيارات على موقعك والوقت اللي بيقضيه كل مستخدم جوا موقعك وفي أدوات كتير بتساعدك في دة زي google analytics وغيرهم. ودة بيخليه أداة تسويق مهمة جدًا وسهلة في الاستخدام.

• دقة الوصول للجمهور المستهدف:
  

لو بتسوق لمنتجك أو خدمتك عن طريق منصات التواصل الإجتماعي بتختار شوية معلومات مشتركة في جمهورك المستهدف زي العمر، الجنس، مكان السكن، والإهتمامات؛ ولكن دة مش معناه إن الناس دي فعلًا مهتمة بمنتجك أو محتجاله دلوقتي. ولكن الوضع بيختلف في تحسين محركات البحث لأن وقتها المستخدم هو اللي بيجيلك بنفسه وبيبدأ يبحث عن منتج أو خدمة معينة فا يظهرله موقعك وتقدر من خلال المحتوى تقنعه بشركتك ومنتجك بسهولة ودة معناه وصول أدق للجمهور المستهدف وضمان نسبة مبيعات أكبر.

الفرق بين تحسين محركات البحث والتسويق عبر محركات البحث:

أكيد سمعت كتير عن الـ SEO والـ SEM ولكن هل تعرف إيه هم والفرق بينهم أو إستخدامهم؟ الـ SEO هو تحسين محركات البحث وظهورك بشكل مجاني في نتائج محركات البحث ولكن الـ SEM هو التسويق من خلال محركات البحث. والتسويق من خلال محركات البحث بيكون عن طريق إعلانات مدفوعة أو المعروفة بإعلانات جوجل الممولة. ودة بيكون عن طريق إنك بتدفع فلوس مقابل إن إعلانك يظهر تحت كلمات بحث معينة بتختارها بنفسك ولو عايز تعرف أكتر عن الإعلانات دي تقدر ترجع لمقال كيفية عمل إعلانات ممولة على جوجل. ولكن طبًعا دة مش معناه إن وسيلة واحدة منهم هتغني عن التانية لأنك عشان تعمل إعلان ممول على جوجل لازم يكون موقعك مؤهل وواخد تقييم عالي من محركات البحث ودة معناه إنك عشان تاخد أحسن نتيجة من الإعلانات الممولة لازم قبلها تكون متبع كل إستراتيجيات تحسين محركات البحث لموقعك. وبردو تحسين محركات البحث لا تغني عن عمل إعلانات ممولة لأنك مش محتاج تفضل مستني الناس تدور بنفسها وإنما الأحسن تبدأ تظهر للناس المهتمة بمنتجات شبيهة لمنتجاتك عن طريق إعلان ممول.

نصائح لتحسين محركات البحث:

بعد ما عرفت أهم الأساسيات اللي محتاج تفهمها لتحسين محركات البحث لموقعك على الويب، لازم تعرف إن شوية تفاصيل بسيطة هتفيدك جدًا لو عملتها. وتفاصيل تانية تبان بسيطة ولكنها ممكن تدمر كل مجهودك لو عملتها. دلوقتي هنقولك على أكتر حاجات محتاج تعملها وأكتر حاجات محتاج تاخد بالك منها لتحسين محركات البحث لموقعك على الويب.

أفعل:

• لازم تختار عنوان واضح يعبر عن محتوى موقعك أو صفحتك عشان العميل يقدر يفهم أو يتوقع هو هيقرأ إيه وهل هيلاقي اللي بيدور عليه ولا لا.
• إتأكد إن عناوين الصفحات في موقعك قصيرة لأن لو كان العنوان طويل جدًا مش هتقدر محركات البحث إنها تعرضه كامل وبالتالي مش هيفهم المستخدم الصفحة بتتكلم عن إيه ومش هيجرب يزور موقعك.
• إستخدام الكلمات المفتاحية في الـ URL الخاص بالصفحة

لا تفعل:

• متستخدمش عناوين طويلة ومعقدة
• متكتبش عناوين ملهاش علاقة بمحتوى الصفحة
• متكتبش عناوين مبهمة أو مش منطقية
• متكتبش الكلمات المفتاحية في سياق مش مفهوم لمجرد انك تضمن وجودها في العنوان

إزاي أختار شركة تقدملي خدمة تحسين محركات البحث؟

شركات التسويق الإلكتروني بتزيد يوم عن يوم وأصبحت منتشرة بشكل ملحوظ جدًا بسبب أهمية المجال دة وأهمية التسويق الإلكتروني. ولكن زي أي مجال هتلاقي شركات متخصصة ومحترفة وشركات بتقدملك خدمة بجودة سيئة. هنقولك أهم حاجات تاخد بالك منها وانت بتختار شركة تقدملك خدمة تحسين محركات البحث:

• زي ما بيقولوا، ماينفعش باب النجار يكون مخلع. محتاج تشوف موقع الشركة وتعمل بحث بأكتر من كلمة عشان تعرف هم هيكونوا في النتائج الأولى ولا لا.
• التخصص دايمُا مهم، عشان كدة محتاج تعرف أكتر عن فريق العمل وتتأكد إن عندهم خبراء تحسين محركات البحث مش مجرد كاتب محتوى ومصمم مواقع وبس! كل فرد في الفريق له دور مؤثر ومهم عشان كدة مينفعش تقبل بفريق غير مكتمل يقدملك خدمة تحسين محركات البحث.
• سابقة الأعمال هي اللي بتحكم دايمًا، محتاج تشوف تقارير ونتائج من شغلهم مع عملاء تانيين عشان تقدر تاخد قرار صح.
• زي أي منتج أو خدمة، التكلفة المادية لخدمة تحسين محركات البحث بتختلف من شركة لأخرى. عشان كدة محتاج تحدد ميزانيتك وتدور على أحسن شركة في إطار الميزانية دي.
  

لو لسة عايز تعرف أكتر عن طرق تحسين محركات البحث لموقعك على الويب تقدر تكلم ماركتينج بالعربي عشان تقدر تفهم أكتر وتعرف معلومات أكتر عن خدمة تحسين محركات البحث وإزاي تقدر تتصدر دايمًا نتائج البحث الأولى على محركات البحث المختلفة.