ازاي اعمل إعلان ممول على الفيس

ازاي اعمل إعلان ممول على الفيس

مع تطور التكنولوجيا يوم عن يوم، كتير من أصحاب الشركات والمشاريع الصغيرة اتجهوا للتسويق الإلكتروني عشان يسوقوا لمنتجاتهم أو خدماتهم ويزودوا مبيعاتهم. وأشهر طرق التسويق الإلكتروني اللي بيشتغل عليها أصحاب الشركات دلوقتي هو التسويق عبر منصات التواصل الإجتماعي وتحديدًا الإعلانات الممولة على الفيس بوك. وعشان أكتر سؤال بنسمعه بشكل شبه يومي هو " ازاي اعمل اعلان ممول على الفيس بوك؟" فا قررنا نوضحلكم طريقة عمل إعلان ممول على الفيس بوك بكل حاجة محتاجين تعرفوها عن إعلانات الفيسبوك الممولة في مقالنا. ولكن قبل ما تعرف كيفية عمل إعلان ممول على الفيس بوك محتاج تعرف إيه هو الفيس بوك وليه يعتبر منصة مهمة للإعلان عليها ودة اللي هتعرفه في السطور اللي جاية.

إيه هو الفيس بوك؟

الفيسبوك هو ببساطة منصة للتواصل الإجتماعي. كانت بداية الفيسبوك في 2004 وكان الغرض منه هو التواصل بين الناس بحيث تقدر تضيف أصحابك ومعارفك عليه وتشارك معاهم آرائك، أخبارك، أو صور ليك عشان يقرب الناس لبعض أكتر ويخلي التواصل بينهم أسهل. ولكن مع مرور الوقت أصبح الفيس بوك شيء أساسي في حياة كل واحد مننا وبدأت الصفحات تزيد عليه وأصبح عدد مستخدمينه ما يقرب الـ3 مليار شخص في العالم ودة اللي خلى شركات كتير تتجه للتسويق من خلاله ويبدا اصحاب الشركات دي يهتموا اكتر باعلانات الفيس بوك ويسألوا ازاي اعمل اعلان ممول على الفيس بوك.

أهمية عمل إعلان ممول على الفيسبوك:

التسويق من خلال إعلانات الفيسبوك الممولة أصبح جزء مهم جدًا في العملية التسويقية لأي شركة إن لم يكن أهمهم ودة لأنه بيوفرلك حاجات مش هتقدر توفرهالك أنواع تانية من الإعلانات زي إعلانات التليفزيون أو اللافتات في الشارع. ومن أهم الحاجات اللي بيوفرهالك إعلان الفيسبوك وبيخلي اكتر الناس تسأل ازاي اعمل اعلان ممول على الفيس بوك هي:

• إتصال مباشر مع العميل
  

البشر بطبعهم بيحبوا يحسوا بأهميتهم وخاصًة لو كان عميل أو زبون، ودة موجود في إعلانات الفيس بوك الممولة لأنك بتحسس العميل إنك معاه في كل وقت وفي كل مكان وهيقدر يسألك عن أي حاجة وتكون دايمًا معاه وبالتالي بيكتسب ثقة فيك تخليك دايمًا الملجأ الأول له.

• آراء تفصيلية عن الخدمة
  

بسبب إن الفيس بوك منصة للتواصل بيقدر كل واحد يعبر عن نفسه وآرائه فيها، دة بيخلي العميل يوصف تجربته مع الشركات اللي بيتعامل معاها ودة بينتج عنه زيادة ثقة عملاء تانية فيك لما يشوفوا آراء عملاء سابقين بنفسهم.

• الوصول للعملاء الصح
  

بسبب لوغاريتمات الفيس بوك، بتقدر دايمًا تستهدف الفئة اللي محتاجها من الناس عشان يكونوا عملاء ليك ودة بيساعدك توصل لناس فعلًا محتاجة المنتج أو الخدمة اللي بتعلن عنهم.

مميزات عمل إعلان ممول على الفيسبوك:

زي ما ذكرنا إن عدد مستخدمين الفيس بوك في العالم وصل 3 مليار شخص ودة بيخلي التسويق من خلاله مهم جدًا ولكن مش دة هو الميزة الوحيدة لعمل إعلان ممول على الفيس بوك. ولكن من مميزات عمل إعلان ممول على الفيس بوك كتيرة جدًا ومنهم:

• إنك بتقدر تتحكم بنفسك في الفئة المستهدفة أو الناس اللي عايز إعلانك يوصلهم على عكس إعلانات التليفزيون اللي بتوصل لأي حد.
• بتقدر تحدد التكلفة المناسبة ليك حسب ميزانيتك
• بتقدر تعدل على الإعلان في أي وقت ودة مش متوفر في التسويق العادي زي إعلانات التليفزيون أو اللافاتات في الشارع لأن التغيير وقتها هيكلفك فلوس كتير جدًا.
• تقدر تتابع النتائج في أي وقت وتعرف هل هي كويسة ولو فيها مشاكل إيه هي المشاكل عشان تقدر تصلحها وتتفاداها.
• بتدر تعمل أكتر من نسخة من الإعلان عشان تعرف إيه هو أحسن تصميم ومحتوى مع مستهدفينك.
• بتقدر تعمل حملات إعادة إستهداف أو retargeting للعملاء الحاليين أو السابقين بس.
• بتقدر تحدد الهدف من إعلانك بسهولة

أهداف الإعلان الممول على الفيس بوك:

عشان تعمل إعلان ممول على الفيس بوحتاج تحدد هدفك من الإعلان دة وفي أكتر من هدف لإعلانات الفيسبوك تقدر تختار منهم وهم:

هدف الوصول:

هدف الوصول أو الـ reach هو هدف من أهداف إعلانات الفيسبوك المهمة جدًا لو إنت في البداية لأن دوره بيكون في الوصول لأكتر عدد من الناس في الفئة اللي هتختارها. وهنا إنت مش بتكون مستني أي رد أو فعل من المستهدفين وإنما بتكون عايزهم يشوفوك ويعرفوا أكتر عن منتجاتك وخدماتك عشان يكتسبوا ثقة فيك ومع تكرار إسم شركتك قدامهم هيصبحوا عملاء ليك.

هدف الوعي بالعلامة التجارية:

في مرحلة بناء علامتك التجارية بتحتاج إن الناس تكون عارفة شركتك أكتر وعشان كدة إختيار هدف الوعي بالعلامة التجارية بيكون إختيار كويس جدًا. وهنا بيبدأ الفيسبوك يظهر إعلانك الممول لأكتر ناس عرضة إنهم يفتكروا شركتك أو يحتاجوها وبالتالي تزيد فرصة إنهم يكونوا عملاء دائمين أو يرشحوك لحد من المقربين ليهم.

هدف الرسائل:

الهدف دة بيخلي الفيسبوك يظهر إعلانك الممول لأكتر ناس بتبعت رسائل ودة غالبًا بيكون للإعلان عن منتج معين أو خدمة معينة وبتحتاج إن الناس تبعتلك رسالة تسألك فيها عن التفاصيل أو تشتري. ودة بيكون حلو جدًا لعمليات إعادة الإستهداف بعد كدة لأنك بتكون محتفظ برسائل العملاء كلها.

هدف زيارات الموقع:

إختيار هدف زيارات الموقع بيكون مناسب جدًا لو بتسوق من خلال موقعك الإلكتروني ودة بيفيدك في التسويق من خلال الـ SEO وكمان بيساعد العملاء إنهم يعرفوا أكتر عن منتجك أو خدمتك ويطلبوها من خلال الموقع.

هدف التفاعل:

مع إختيار هدف التفاعل الفيسبوك بيبدأ يظهر إعلانك الممول للناس اللي بتتفاعل مع الصفحات بشكل أكبر بحيث يبدأوا يعملوا تعليقات أو إعجابات أو حتى مشاركة وعشان كدة بيُنصح دايمًا إن محتوى البوست نفسه يكون بيسأل العملاء على حاجة أو يكون فيه معلومة كويسة فا يبدأ الناس يتفاعلوا بالمشاركة أو بالمنشن لأصدقائهم.

هدف إعجاب الصفحة:

عدد الإعجابات على صفحتك مهمة جدًا في ثقة العملاء بيك عشان كدة بتحتاج من فترة للتانية تعمل إعلان ممول على الفيس بوك بهدف إعجابات الصفحة عشان تزود عدد المعجبين بصفحتك وتكبرها وبالتالي تكتسب ثقة العملاء فيك.

هدف تجميع البيانات:

دة من الأهداف القوية جدًا لو متوفر في شركتك فريق مبيعات لأن الهدف دة بيعمل على تجميع بيانات المستهدفين زي أرقام تليفوناتهم وأسمائهم وبالتالي يقدر فريق المبيعات يكلمهم ويقنعهم أكتر بخدماتك.

هدف مشاهدات الفيديوهات:

الفيديوهات هي طريقة من أحسن الطرق لعرض منتجك، خدماتك، شركتك، أو متجرك وعشان كدة لو قدرت تعمل فيديو بجودة عالية ويكون محترف فعلًا؛ إختيار هدف مشاهدة الفيديوهات هيكون اختيار مناسب جدًا لأن الفيس بوك بيبدأ يظهر إعلانك الممول أو الفيديو الخاص بيك لناس بتحب مشاهدة الفيديوهات فا بيسمحلهم يعرفوا أكتر عن خدماتك. وهنا بتقدر تتابع النتائج وتعرف هل الناس بتتخطى الإعلان أول ما بيظهر ولا بيشوفوا جزء صغير منه ولا بيشوفوه كامل عشان تعرف تحدد مشاكلك وتتفاداها بعد كدة.

كيفية عمل حساب إعلاني على الفيس بوك:

عشان تقدر تعمل إعلان ممول على الفيسبوك لازم في البداية يكون عندك حساب إعلاني ولكن قبل ما نقولكم خطوات إنشاء حساب إعلاني خلينا نفهم يعني إيه أصلًا حساب إعلاني.

الحساب الإعلاني هو حساب مربوط بحسابك الشخصي وهو اللي بتقدر من خلاله تدفع تكلفة الإعلانات، تتابع النتائج، وتنشيء الإعلان الممول والحملة الإعلانية من عليه. وتقدر تعمله بسهولة من خلال الخطوات دي:

1. تسجيل الدخول على حسابك على الفيسبوك
2. الدخول على مدير الإعلانات أو ال Ads manager من حلال الفبسبوك أو من خلال الرابط https://www.facebook.com/ads/manager/
3. الضغط على زر إنشاء حساب إعلاني أو Create Ad account

بكدة إنت أصبح عندك حساب إعلاني تقدر من خلاله تعمل إعلانات لأي صفحة إنت Admin عليها وبإتباع الخطوات الجاية هتعرف ازاي تجاوب على سؤال ازاي اعمل اعلان ممول على الفيس بوك.

ازاي اعمل اعلان ممول على الفيس بوك من خلال مدير الإعلانات:

بعد ما بقى عندك حساب إعلاني هتقدر تعمل حملة إعلانية وتجاوب على سؤال ازاي اعمل اعلان ممول على الفيس بوك من خلال الخطوات دي:

1. تسجيل الدخول على مدير الإعلانات
2. دوس على كلمة إنشاء حملة إعلانية أو Create campaign
3. إختار هدف الحملة من الأهداف اللي ذكرناها.
4. إختار إسم للحملة ويفضل تسميها بالهدف وإسم الصفحة عشان ماتنساش بعد كدة لو هتعمل اكتر من حملة.
5. أضغط على زر التالي
6. إختار تاريخ بدء الحملة وتاريخ النهاية
7. إختار التكلفة اليومية حسب ميزانيتك
8. وبعدها هنيجي لمرحلة إختيار المستهدفين وهنبدأ بإختيار المناطق السكنية ليهم سواء مصر كلها أو محافظات أو حتى مناطق صغيرة.
9. تعتبر أهم خطوة عشان تجاوب على سؤال ازاي اعمل اعلان ممول على الفيس بوك هي انك تختار سن العملاء وجنسهم ودة مهم جدًا لأنك لو بتسوق لملابس نسائية مش صح إنك تستهدف رجال وهكذا.
10. وأخر وأهم خطوة في الاجابة على سؤال ازاي اعمل اعلان ممول على الفيس بوك هي ال detailed audience وهنا بتبدأ تختار إهتمامات المستهدفين زي إنهم يكونوا أمهات، خريجين، بيشتغلوا في مجال معين، وحاجات تانية كتير وتقدر كمان تختار أعضاء نادي معين أو حتى الناس اللي بتمتلك ماركة عربيات أو تليفونات معينة.
11. أخر مرحلة في الاجابة على سؤال ازاي اعمل اعلان ممول على الفيس بوك هي مرحلة المراجعة اللي بتتأكد فيها إن كل الخطوات مظبوطة وبتدوس على نشر أو publish وبكدة إنت عملت إعلان ممول على الفيس بوك.

بإتباع الخطوات اللي ذكرناها هنكون قدرنا نجاوب على أهم اسئلتك وهو ازاي اعمل اعلان ممول على الفيس بوك ولكن زي ما قلنالك كتير قبل كدة ماتنساش إن مرحلة المراقبة والمتابعة هي أهم مرحلة عشان كدة محتاج دايمًا تتابع حملتك وتعرف لو فيها أي مشاكل أو التكلفة فيها عالية عشان تقدر تصلح المشاكل دي. ولكن بشكل عام أي حملة إعلانية على الفيس بوك عشان تقدر تحكم على نجاحها محتاجة من 5 ل 7 أيام. أما لو حابب تعرف أكتر عن التكلفة وتحديدها فا خليك متابع مقالاتنا عشان تعرف إزاي هتحدد تكلفة الإعلان الممول على الفيس بوك ومشاكل الدفع.