اسهل طريقة لـ إنشاء الموقع الإلكتروني 2023

اسهل طريقة لـ إنشاء الموقع الإلكتروني 2023

محتاج موقع إلكتروني تعرض فيه منتجاتك أو خدماتك، عايز جمهورك المستهدف يقوم بعملية الشراء أو الحجز في 3 ثواني؟ معظم عملائك بيدخلوا صفحاتك على مواقع التواصل الاجتماعي ويسألوا عن تفاصيل المنتج أو الخدمة اللي بتقدمها لكن مش بيقوموا بالشراء أو الحجز، ويمكن مش بتكون متواجد اغلب الوقت عشان ترد على اسئلتهم او مش متوفر ليك فريق متخصص في الرد على تعليقات و رسائل عملائك وبيروحوا لمنافسينك.

ممكن تكون بتستخدم ادوات كويسة في مجال الـ ديجيتال ماركتنج بالعربي، لكن مش بتحقق النتائج اللي منتظرها، المشكلة هنا انك محتاج تفهم سلوك جمهورك المستهدف، وامتى هيقوموا بعملية الشراء الفعلي! جمهورك المستهدف محتاج يشوف كلمة واحدة بس وهي كلمة " اضافة الى السلة أو Add to cart" كلمة بسيطة مكتوبة تحت المنتج بتشجعه انه يشتري دلوقتي، وطبعا كلنا عارفين ان الكلمات دي بتكون مكتوبة تحت المنتج داخل الموقع الالكتروني، عشان كده احنا في ماركتنج بالعربي بنقدم لك اسهل طريقة لـ إنشاء الموقع الإلكتروني، وهتعرف في المقالة دي ايه الخطوات اللي محتاجها لـ إنشاء الموقع الإلكتروني وكمان هنرشحلك افضل شركة سيو في مصر وكمان ازاي تختار افضل شركة اعلانات سوشيال ميديا عشان تدير صفحات التواصل الاجتماعي الخاصة بك.

أهمية إنشاء الموقع الإلكتروني:

تعرف ان في اكتر من 1.7 مليار موقع إلكتروني لحد دلوقتي وبيزيد العدد بمقدار اطلاق نص مليون موقع جديد كل يوم، ده معناه ان اغلب اصحاب المشاريع في العالم بيهتموا بـ إنشاء الموقع الإلكتروني سواء مواقع شخصية أو تجارية. بعض أسباب إنشاء الموقع الإلكتروني:

• تسهيل العثور على منتجاتك أو خدماتك على الإنترنت، وبالتالي زيادة الوعي بعلامتك التجارية وزيادة زوار موقعك مجانا.
• الدقة في استهداف جمهورك المستهدف وانك توصل إلى عدد أكبر من العملاء المحتملين ويتم تحويلهم إلى عملاء فعليين بمرور الوقت وبالتالي يؤدي إلى زيادة المبيعات.
• قوة ظهورك في تحسين محركات البحث للموقع الالكتروني بتوصل لجمهورك المستهدف انهم يثقوا فيك وبالتالي تزيد من مصداقية علامتك التجارية وقدرة عملائك على التواصل مع علامتك التجارية من خلال موقعك الإلكتروني ويكون من السهل معرفة كل تفاصيل المنتج أو الخدمة، وطبعا ده هيعزز من شعور الثقة بك ويقوموا بعملية الشراء ويتحولوا من عملاء محتملين إلى عملاء فعليين.
• ظهور علامتك التجارية بشكل احترافي أمام جمهورك المستهدف من خلال إنشاء الموقع الإلكتروني ده هيساعدك على ترك انطباع إيجابي لعلامتك التجارية.
• تقدر تحقق ربح إضافي من خلال إنشاء الموقع الإلكتروني لعلامتك التجارية.

ايه التخصصات اللي يحتاج أصحابها إلى إنشاء الموقع الإلكتروني؟

1. أصحاب المشاريع والأعمال:

لو عندك مطعم او محل ملابس او حتي لو انت عندك مركز طبي فأنت محتاج لـ إنشاء الموقع الإلكتروني، لانه من الخطوات المهمة عشان تحقق أرباح كبيرة وتنقل جمهورك المستهدف لموقعك الالكتروني و في كتير من الأشكال التجارية للمواقع الإلكترونية، من ضمنها المتاجر الإلكترونية اللي بتعرض منتجات ملموسة، زي الملابس والإلكترونيات والأدوية والأثاث وغيرها، والمتاجر اللي بتعرض منتجات رقمية زي البرامج والألعاب والكتب الإلكترونية والدورات التدريبية

معني كده انك لو من الشركات اللي بتقدم خدمات من الأعمال بيتم نقل خدماتك إلى العالم الرقمي في مجال الـ Marketing بالعربي عشان توسع دائرة عملائك، ومن الأمثلة على شركات الخدمات هي: شركات العقارات والتسويق والبرمجة وكتابة المحتوى وتحسين محركات البحث. وكمان اصحاب المشاريع زي المطاعم وصالات الألعاب الرياضية ومراكز الأطباء وغيرها.

ميزة إنشاء الموقع الإلكتروني انه بيتم توسيع نطاق عملائك من غير ما يكون محدد بمكان جغرافي معين، وكمان بتقدر من سرد قصة علامتك التجارية ونشر معلومات التواصل الخاصة بك والموقع الجغرافي، وطبعا ده بيحقق لك مكاسب مادية كبيرة وزيادة عملائك.

2. المستقلين وأصحاب الوظائف:

جمهورك المستهدف محتاج شكل وأسلوب احترافي يجذب انتباهه، عشان كده لما تقوم بـ إنشاء الموقع الإلكتروني بطريقة احترافية بيساعدك انك تظهر بشكل يجذب جمهورك المستهدف وانك تتفوق على منافسينك. مهما كان مجال عملك لكن بمجرد إنشاء الموقع الإلكتروني هتظهر في النتائج الاولى لمحركات البحث جوجل.

من خلال سرد قصة علامتك التجارية على موقعك الإلكتروني بتكون شاركت جمهورك المستهدف قصة نجاحك وبيعرف نبذة عنك، خصوصا لو انت بتشتغل في مجال العمل الحر " فريلانسر" وقمت بتصميم موقع إلكتروني خاص بك به جميع حسابات العمل الحر الخاصة بك وجميع أعمالك السابقة و مهاراتك ومؤهلاتك والدورات اللي حصلت عليها، طبعا ده بيزود من فرص توظيفك. كمان عند إجراء مقابلات عمل جديدة أو لما تقدم سيرتك الذاتية للشركات الكبيرة في الحالة، دي بيكون إنشاء الموقع الإلكتروني عامل مهم في اختيارك.

3. صنّاع المحتوى:

لو انت صانع محتوى وعايز تكون معروف على السوشيال ميديا وتشارك خبراتك الحياتية، زي السفر والطبخ والتسوّق أو أي مهارة أو هواية تانية ممكن تكون بتعملها باحترافية وتنقلها لجمهورك المستهدف من خلال إنشاء الموقع الإلكتروني.

قبل كده كنت ممكن تتابع التلفزيون والمجلات والكتب عشان تستفاد من المحتوى الموجود لكن مع تقدم الادوات التقنية لـ إنشاء الموقع الإلكتروني، أصبح إنشاء الموقع الإلكتروني احترافي خلال أيام قليلة وبدأت صناعة المحتوى عليه بطريقة سهلة. و زي ما صناع المحتوى على اليوتيوب قدروا يحققوا شهرة كبيرة وبناء ملايين الجماهير، كمان من خلال إنشاء الموقع الإلكتروني تقدر تحقق ارباح أكبر و يكون في تحكم كامل بشكل المحتوى وطريقة نشره.

ما قبل إنشاء الموقع الإلكتروني:

قبل ما تبدأ في إنشاء موقعك الإلكتروني لازم تحدد أهدافك التسويقية الاول اللى ليها علاقة بعلامتك التجارية، لكن خلي بالك ان في استراتيجية ثابتة ممكن تتبعها قبل ما تبدا، عشان تحصل على أفضل النتائج في الخطوات دى:

حدد الفكرة:

الفكرة القوية الجديدة هي أساس نجاح أي علامة تجارية، ابدأ في البحث عن المشاكل اللي بتواجه جمهورك المستهدف وفكر في حلول للمشاكل دى تكون واقعية وليها تأثير قوي في سوق العمل.

اختار المجال:

المواقع الالكترونية ليها مجالات رئيسية زي المتاجر الإلكترونية ومواقع خاصة بالشركات اللي تقدم الخدمات ومواقع التعليم عن بعد وغيرها، عشان كده حدد مجال موقعك وتخصصه قبل ما تبتدي في إنشاء موقعك الإلكتروني.

حدد الفئة:

لكل مجال كتير من الفئات اللي بتكون من ضمنه، على سبيل المثال، لو قررت تقوم بإنشاء متجر إلكتروني هتحتاج انك تحدد الفئة المستهدفة اللي عايز تستهدفها ويوصلها موقعك الإلكتروني وكمان تحدد فئة المجال الخاص بك زي الموضة أو الإلكترونيات أو الألعاب.

حدد الميزة التنافسية:

عشان فكرتك تكون كاملة و واضحة، حدد الميزة اللي تتفوق بها على منافسيك. وعشان تحدد الميزة التنافسية محتاج انك تقوم بدراسة السوق من خلال فهم البحث عن المواقع الشبيهة لموقعك الالكتروني، وتعرف ايه الاخطاء الموجودة او لو المعلومات الموجودة داخل موقع المنافس ممكن تكون مش واضحة كفاية وممكن تستغل ده انك تعرض محتواك بشكل مختلف و افضل لجمهورك المستهدف.

اختار هدف محدد:

عشان تقدر تختار الهدف المناسب من إنشاء موقعك الإلكتروني هو انك تتباع طريقة الأهداف الذكية SMART، وهي اختصار ل 5 كلمات وهما:

محدد (Specific):

حدد هدف يكون مباشر من إنشاء موقعك الإلكتروني، زي زيادة عدد العملاء بنسبة 30% أو رفع الأرباح بنسبة 40%. وكمان تتابع معدل تحويل العملاء المحتملين إلى العملاء الفعليين (conversion rate)، لأنه يعتبر مقياس لتحديد الأداء في موقعك الإلكتروني ومعرفة عدد الزيارات. الافضل كمان انك تحدد نسب مئوية محددة لأهدافك وتجنب الأرقام العشوائية عشان يكون هدفك واضح وسهل انك تحققه.

قابل للقياس (Measurable):

يعني يكون هدفك قابل للقياس ده من خلال انك تحدد معايير واضحة عشان تتبع النتائج، وتعرف بيتم تحقيق الهدف ولا لا. كمان معايير تتبُّع نتائج موقعك الالكترني بتكون من خلال، تحليلات جوجل عشان تعرف عدد زوار موقعك ومعدل التحويل.

قابل للتحقيق (Attainable):

ضع هدف يكون قادي انك تحققه ومناسب مع مواردك عشان يكون واقعي وتقدر تحققه من خلال انك تتوقع كل الطرق الجديدة اللي محتاجها عشان تطور من مجالك وكمان توقع النتائج منها، وبعدين طبقها على الوضع الحالي خطوة بخطوة عشان تعرف النتيجة النهائية المتوقعة.

متصل بعملك (Relevant):

لازم يكون هدفك مناسب لعلامتك التجارية، يعني مثلا ممكن يكون هدفك من إنشاء موقع إلكتروني هي زيادة زوار موقعك مجانا وبالتالي زيادة العملاء المحتملين وزيادة نسبة مبيعاتك، بكده يكون هدفك مناسب لعلامتك التجارية.

محدد بوقت (Timely):

حدد وقت زمني مناسب تقدر تحقق فيه هدفك وحدد رؤية واضحة من نقطة البداية والنهاية، يعني مثلا لو كان هدفك هو انك توصل إلى عملاء محتملين أكتر بنسبة 30%، طب ايه المدة والوقت اللي محتاجه عشان تحقق الخطوة دي؟ عشان كده حدد إطار زمني واضح ويكون واقعي.

ادرس السوق:

قبل إنشاء موقع إلكتروني لازم تدرس خطواتك المستقبلية والسوق اللي انت فيه واعرف كمان مين هما منافسينك، و اعرف ايه هي نقاط قوتهم وضعفهم. كمان لاحظ تصميم المواقع الالكترونية التانية اللي ممكن تكون شبيهة لفكرتك وجمع افكار كتير عن المواقع اللي شوفتها واختار الشكل اللي يناسبك والألوان اللي بتعبر عنك و بتميز علامتك التجارية.

ضع ميزانية وجدول زمني:

تختلف تكلفة إنشاء المواقع الإلكترونية على حسب الوظائف المطلوب انك تضيفها وكمان طريقة إنشاء الموقع والتصميم. بالإضافة إلى حجم التعديلات في التنفيذ لأن إنشاء موقع شخصي تكلفته تختلف عن إنشاء متجر إلكتروني كبير.

اسهل طريقة لـ إنشاء الموقع الإلكتروني في 24 ساعة:

يعتمد إنشاء الموقع الإلكتروني على خطوات كتير دقيقة بتحتاج تنفيذ احترافي، عشان تسهل من إطلاق الموقع الإلكتروني من غير مواجهة مشكلات فيما بعد. لو مهتم بعلامتك التجارية وانك عايز تحقق نتائج سريعة، ممكن تستعين بـ افضل شركة سيو في مصر لـ إنشاء الموقع الإلكتروني.

لكن لو عايز تجرب ازاي تقوم بـ إنشاء الموقع الإلكتروني بنفسك، هنوضح لك في الخطوات الجاية بالتفصيل طريقة إنشاء الموقع الإلكتروني خطوة بخطوة:

الخطوة الاولي: شراء الأساسيات البرمجية:

عشان تقوم بإنشاء موقعك الإلكتروني، محتاج يكون عندك أساسيات برمجية مدفوعة شهريًا أو سنويًا، ومنها:

النطاق (Domain):

النطاق أو المجال Domain هو عنوان الموقع الإلكتروني اللي بيكون مكتوب في شريط البحث من فوق لمحركات البحث. وهو شبه البطاقة الشخصية للموقع الإلكتروني، يعني هو الوسيلة السهلة اللي يقدر يتذكرها المستخدمين. كمان بيكون العنوان الفعلي للموقع الإلكتروني مرتبط بعناوين وبروتوكولات (IP)، وعند شراء دومين أو نطاق جديد بيحصل ربط الـ (IP) الخاص بالموقع بالعنوان اللي اشتريته من خلال الـ DNS وهي اختصار لكلمة (Domain Name Servers) وهي عبارة عن الخوادم اللي تصمم حلقة الوصل بين الـ (IPs) والنطاقات.

على سبيل المثال يعتبر النطاق الخاص بموقع ماركتنج بالعربي هو marketingbelaraby.com وينقسم إلى: الاسم الرئيسي اللي هو (marketingbelaraby) والامتداد وهو (com.). في امتدادات كتير وبتختلف على حسب شهرتها وأسعارها، امتدادات زي (com.) ودوت نت (net.) مشهورين اكتر وبيتم استخدامهم في المواقع الالكترونية. وفي امتدادات ليها علاقة بالمؤسسات، زي: (org.) و(co.)، أو للدول، زي: (eg.) لمصر و(sa.) للسعودية. كمان لما تيجي تختار اسم النطاق، الافضل انك تختار اسم سهل بيعبر عن الموقع وكمان استخدم الامتدادات المشهورة.

الاستضافة (Host):

من الطبيعي أن يكون موقعك الالكتروني فيه معلومات زي المحتوى المكتوب والصور والفيديوهات وتفاصيل منتجاتك او خدماتك وغيره. ومهمة الخادم أو الاستضافة هنا هي تخزين المعلومات دي وانها تكون متاحة للمستخدمين عند البحث على موقعك الإلكتروني. تعتبر الاستضافة شبه جهاز الكمبيوتر بيفضل شغال طوال الوقت عشان المهمة دي.

شهادة (SSL):

شهادة SSL هي البروتوكول الأشهر والأفضل لتأمين موقعك الإلكتروني. وفي الغالب خطط الاستضافات بتقدمها لمدة سنة مجانًا عند إنشاء الموقع الإلكتروني في البداية. كمان شهادة SSL تضمن لك تشغيل الموقع ببروتوكول (HTTPS)، وهو من العوامل المؤثرة بشكل كبير جدا في خيارات التصفح والشراء لكتير من عملاء المتاجر الإلكترونية ومواقع تبادل الأموال، زي: البنوك والتأمين والمحافظ الإلكترونية.

البريد الاحترافي:

خدمات البريد الاحترافي بتكون موجودة في أغلب المواقع ضمن الإضافات المجانية لخطة الاستضافة للسنة الأولى من إنشاء الموقع الإلكتروني لعلامتك التجارية. وكمان بتوفر لك إنشاء عناوين بريد مخصصة باسم النطاق. ميزة البريد المخصص باسم النطاق قوة تنافسية أكبر لما تقوم بـ إنشاء موقع إلكتروني جديد.

إضافات أخرى:

لو عايز مميزات تانية تحصل عليها زي تعزيز ظهور موقعك الإلكتروني على محركات البحث جوجل، أو إجراء نسخ احتياطي للموقع، ممكن تلاقى كل ده و اكتر من ضمن اختيارات شراء خطط الاستضافة مقابل مبلغ مالي إضافي. وكمان ممكن تحصل عليها فيما بعد بعد شراء الخطة الأساسية للاستضافة.

الخطوة الثانية: بناء الموقع الإلكتروني وتطويره:

بعد تجهيز الخطوات اللي فاتت، بيجي دور إنشاء الموقع الإلكتروني بالخطوات دي:

تطوير الموقع الإلكتروني من الصفر

عشان تقوم بتطوير موقعك الإلكتروني من الصفر في الحالة دي هتكون محتاج مطور مواقع محترف او تتعامل مع افضل شركة سيو في مصر لأنها هتقدر تتحكم بشكل كبير في الموقع بتفاصيله، لكنها هتحتاج وقت كبير، وتنقسم إلى:

وضع التصور العام للموقع:

لكل موقع إلكتروني في تصور عام عن شكل الصفحة الرئيسية والصفحات والوظائف الموجودة. على سبيل المثال، يحتوي المتجر الإلكتروني على صفحات أساسية زي المنتجات وسلّة المشتريات، وكمان موجود صفحة الوظائف وطرق دفع الأموال والحماية وغيرها من الأدوات.

تصميم موقع إلكتروني:

لما تبدأ في إنشاء موقع إلكتروني، هتلاقى انه يمر بمرحلتين من التصميم، الأولى تصميم واجهة المستخدم على برنامج من برامج زي الفوتوشوب. والمرحلة التانية، بتكون مع مطور الموقع في كتابة الأكواد المناسبة عشان تتحول الصور والتصاميم إلى واجهة موقع حقيقية.

برمجة وظائف الموقع:

واجهة الموقع مش هتشتغل لوحدها لانها لازم تكون شغالة بطريقة تفاعلية عن طريق إنشاء واجهة خلفية لتنفيذ المهام، وبيكون اسمها (Back End). ببساطة تخيل ان عمليات الـ (Front End) المتخصصة في تصميم المواقع بالشكل الخارجي بالسيارة، وان الـ (Back End) هو المحرك الداخلي ولوحة التحكم.

رفع الملفات وقاعدة بيانات إلى الاستضافة:

بعد ما تنتهي المهام البرمجية الخاصة بالـ (Front End) والـ (Back End)، يتم رفع ملفات الموقع وقاعدة بيانات الموقع إلى الاستضافة باستخدام لوحة التحكم الخاصة بها، وهي لوحة التحكم سي بانل (cPanel). وفي المرحلة دي، بيتم اختبار الموقع عشان تتأكد من فعالية وظائفه وانه خالي من أي خطأ.

إنشاء موقع إلكتروني باستخدام ووردبريس:

يعتبر نظام ووردبريس الأشهر بين أنظمة ادارة المحتوى، وكمان استحوذ في الوقت الحالي على اكتر من 40% من المواقع الالكترونية الموجودة على الإنترنت،عشان كده هو من أقوى الاختيارات اللي ممكن تعتمد عليها في إنشاء الموقع الإلكتروني وإدارته بسهولة.

إنشاء موقع إلكتروني باستخدام الأدوات الجاهزة

لو مش عندك خبرة في مجال البرمجة، في مواقع كتير تقدم خدمات تساعدك في إنشاء موقع إلكتروني بدون خبرة زي weebly, أو webflow. بالرغم من سهولة الأدوات دي وسرعة إنشاء المواقع من خلالها، إلا إنها توفر لك صلاحيات أقل عشان تتحكم في إنشاء الموقع الإلكتروني من خلالها، كمان غير أنها أغلى في السعر على المدى البعيد.

إطلاق الموقع الإلكتروني:

بعد ما تخلص كل خطوات إنشاء الموقع الإلكتروني، بيجي بعدها الخطوة الأخيرة الخاصة بإطلاق الموقع لجمهورك المستهدف بعد ما تقوم بإضافة المحتوى إلى موقعك وتتأكد من أداءه بالكامل واختبار كل جزء به. اختبر موقعك بالكامل من خلال انك تفتح جميع صفحات موقعك ومراقبة سرعة تحميلها، وكمان ممكن تستخدم ادوات تساعدك على اختبار أداء الموقع،زي:

PageSpeed Insights: أداة مجانية من شركة جوجل هتقدر تساعدك انك تختبر أداء موقعك الإلكتروني على الكمبيوتر أو اللابتوب والموبايل وكمان هتوفر لك ملاحظات ومقترحات اللي من خلالها هتساعدك انك تحسن أداء الموقع ويكون سريع في التحميل.

ملخص

عايز تعرف ازاي تقوم بـ إنشاء موقع إلكتروني بكل سهولة؟ عايز جمهورك المستهدف يلاقي منتجاتك او خدماتك على موقعك الإلكتروني ويكون ظاهر في اول نتائج محركات البحث جوجل؟ في المقالة دي وضحنا لك ازاي تنشئ موقعك الإلكتروني خطوة بخطوة بالتفصيل وكمان ذكرنا أن في خطوات لازم تخلي بالك منها من ضمنها انك تحدد فكرة مجالك وتحدد هدفك التسويقي وهدفك من إنشاء الموقع الإلكتروني وان يكون هدفك واضح ومحدد وقابل للتنفيذ في وقت معين.

اعرف مين منافسينك وتابع كل الطرق اللي بيستخدموها وطريقة نشر المحتوى، ده هيساعدك في انك تعرف الميزة التنافسية الخاصة بك وتبدأ انك تتفوق على منافسينك. عشان كده مهم جدا ان يكون ليك موقع إلكتروني يقدر من خلاله عملائك بمتابعة كل منتجاتك او خدماتك بكل سهولة وتقدر تنزل تفاصيل عن منتجاتك او خدماتك سواء عن طريق محتوى مكتوب او صور او فيديو وتشارك معاهم قصة علامتك التجارية من البداية، بكده هيثق جمهورك المستهدف اكتر في علامتك التجارية.

دلوقتي تقدر تتابع كل مقالاتنا في ماركتنج بالعربي وتتابع كل التحديثات والمقالات اللي تخص عالم الـ Marketing بالعربي. وكمان هتعرف ازاى تختار افضل شركة اعلانات سوشيال ميديا بكل سهولة. كل ده واكتر تقدر تعرفه وتتعلمه في ماركتنج بالعربي. وبنشجعك لو عندك أى استفسار ممكن تكتبلنا كومنت و نتواصل معاك فورا.