10 خطوات تضمن لك زيادة عدد متابعين الفيسبوك

كتير من الناس بيسألوا ازاي ازود عدد المتابعين في الفيس بوك سواء كانت صفحاتهم بإسم شركتهم الخاصة أو صفحات ترفيهية وتعليمية وغيرها. والموضوع زي ما بيبان للناس إنه صعب إلا إنك تقدر تزود عدد المتابعين في الفيس بوك ببساطة ومن خلال خطوات بسيطة تتأكد إنها موجودة. ودة اللي هنعرفك عليه النهاردة وهنقولك إزاي تقدر تزود عدد المتابعين في الفيس بوك بأسهل الطرق ومن غير تكاليف.

• المحتوى:

قولنا كتير إن المحتوى هو الملك. والمحتوى هنا مش مقصود به المحتوى المكتوب ولكن المحتوى ككل، الشيء والمعلومة اللي بتقدمها صفحتك. عشان تقدر تقنع الناس إنهم يتابعوك محتاج تقدملهم شيء جديد ومختلف والأهم إنهم يكونوا مهتمين به ويكون له فايدة بالنسبالهم. ولو قدرت تفهم إحتياجات عملائك وتقدملهم اللي محتاجينه من خلال محتوى قوي ومختلف هتقدر وقتها ببساطة تجاوب على سؤال ازاي ازود عدد المتابعين في الفيس بوك.

• سحر الفيديوهات:

إستخدام الفيديوهات حاجة بيتغاضى عنها كتير من الناس، منهم اللي بيكسل أو بيشوفها مكلفة بالنسباله ومنهم اللي مبيكنش عارف اهميتها اصلًا. ولكن الفيديوهات ليها تأثير قوي جدًا وهتساعدك تجاوب على سؤالك "ازاي ازود عدد المتابعين في الفيس بوك؟" ودة لأكتر من سبب اولهم ان الفيديوهات بتلفت الانتباه اكتر خاصًة لو ليها بداية مشوقة تقدر من خلالها تشد انتباه العميل وتثير فضوله انه يكمل. من أهم مميزات استخدام الفيديوهات ان ليها القدرة على توصيل المعلومة اسرع واسهل كتير من الصور العادية او المحتوى المكتوب. دة بالاضافة الى ان وقت الفيديو بيحسن من جودة الصفحة او ال page quality بتاعتك في الفيس بوك. وعشان كدة اول رد بنرده على اي شخص بيسأل ازاي ازود عدد المتابعين في الفيس بوك هو استخدم فيديوهات اكتر تظهر فيها منتجاتك او خدماتك بدقة.

• دعوة اصحابك للاعجاب بالصفحة:

رغم بساطة الخطوة دي وقد ايه تبان بديهية لاي حد الا ان كتير من الناس اللي بتسأل ازاي ازود عدد المتابعين في الفيس بوك بينسوها او مبيكونوش مدركين اهميتها. الفيس بوك بيبعت اشعار لاي حد بيتم دعوته لصفحة وفي منهم اللي بيقبل الدعوة لانه مهتم بالمحتوى ومنهم اللي بيقبلها كنوع من انواع الدعم والتشجيع ولكن في الحالتين انت هتستفاد بزيادة عدد المتابعين وكمان لما يدخل عملاء جداد على صفحتك ويلاقوا عدد متابعين مش قليل دة بيديهم احساس بالثقة فيك واحساس ان هيفوتهم حاجة مهمة لو خرجوا من غير ما يتابعوا الصفحة وعشان كدة بياخدوا قرار المتابعة وتكون انت استفدت وقدرت ترد على سؤال ازاي ازود عدد المتابعين على الفيس بوك.

• وضع صفحة الفيس بوك على موقعك الخاص:

زي ما اتكلمنا قبل كدة عن اهمية تحسين محركات البحث لموقعك وقولنا ان عشان تزود عدد الزيارات على الموقع محتاج تحط الرابط بتاعه دايمًا على صفحات التواصل الاجتماعي فا بردو عشان تقدر تجاوب على سؤال ازاي ازود عدد المتابعين على الفيس بوك وتحصل على احسن نتيجة واكبر عدد ممكن محتاج انك تحط لينك صفحتك على الفيس بوك على موقعك لان دة هيضمن انك توصل لعدد اكتر من الناس وهو الناس اللي بتوصلك عن طريق تحسين محركات البحث او منصات التواصل الاجتماعي التانية زي انستجرام وتويتر وغيرهم. وربط كل دول مع بعض هيضمنلك اجابة ممتازة لسؤال ازاي ازود عدد المتابعين في الفيس بوك.

• المشاركة مع المؤثرين:

واحدة من احسن الطرق واهم الخطوات للاجابة على سؤال ازاي ازود عدد المتابعين في الفيس بوك هو المشاركة او التعاون مع المشاركين واللي بنسميه influencer marketing. ودة ببساطة عن طريق انك تقنع حد من المؤثرين على منصات التواصل او ال bloggers انهم ينزلوا بوست او ستوري يتكلموا فيه عنك وعن منتجاتك او صفحتك ودة بيكون عن طريق فلوس بتديهالهم، هدايا، او انك تقدر تقنعهم بيك للدرجة اللي تخليهم يقرروا يدعموك من غير اي مقابل. واهمية الطريقة دي تكمن في عدد المتابعين الكبير اللي عندهم واللي بيكون من اكتر من فئة وطبقة يعني نطاق واسع وكبير من الجمهور تقدر تؤثر عليهم من خلال محتواك وتخليهم يتابعوك خاصة ان الجمهور اللي بيتابع حد من المؤثرين بيكون واثق فيه بدرجة كبيرة تخليه يثق في انه مش هيعلن عن حد مش كويس وبالتالي بتكتسب ثقتهم من غير ما تبذل مجهود في دة.

• الاعلانات

اتكلمنا قبل كدة عن الاعلانات الممولة على الفيس بوك واهدافها وكيفية عملها. ومن ضمن الاهداف اللي ذكرناها كان هدف الاعجاب بالصفحة او زيادة عدد المتابعين ودة هدف من اسمه بيجاوبك على سؤال ازاي ازود عدد المتابعين في الفيس بوك لان في الاعلان دة بيكون المحتوى بيطلب من الناس يتابعوك وبيكون الفيسبوك بيظهر الاعلان للناس اللي بتتابع وبتسجل اعجابها بصفحات كتير دة طبعا غير الاستهداف اللي هتكون عامله واللي اتكلمنا عليه بالتفصيل في مقال ازاي اعمل اعلان ممول على الفيس بوك.

• استخدام الهاشتاج:

رغم ان فاعلية الهاشتاج مش قوية في الفيس بوك زي قوتها في انستجرام وتويتر الا انها مهمة جدا وهنجاوبك من خلالها على سؤال ازاي ازود عدد المتابعين في الفيس بوك. لان الهاشتاج بمجرد ما بيدوس عليه الشخص بيظهرله اي بوست مكتوب فيه الهاشتاج دة وبالتالي بتضمن انك توصل لعدد اكبر من الناس وبالتالي تزود عدد المتابعين في الفيس بوك. بس لازم تعرف ان الهاشتاج في الفيس بوك عشان يكونله تأثير قوي محتاج انك متستخدمش اكتر من ٥ بالكتير ويفضل يكونوا ٢ او ٣ بس. ومحتاج انك تستخدم هاشتاج له علاقة بموضوع معين مش هاشتاج انت اللي عامله لان دة هيخلي اي حد مهتم بالموضوع وعايز يعرف تفاصيله يقدر يوصلك. ومحتاج تعرف ان استخدام الهاشتاج الخاص بيوم او حدث معين بيكون مهم جدا ومهم انك تعرف اهم التواريخ اللي ليها علاقة بمجالك وتكتب عنها.

• الكلمات المفتاحية:

رغم ان كلمة كلمات مفتاحية مرتبطة بتحسين محركات البحث الا انها بردو ليها علاقة وطيدة بالفيس بوك ولكن الناس مش بتاخد بالها من دة. ودة لان ناس كتير بدور على المنتجات او الخدمات او اي حاجة عايزينها على الفيس بوك ودة بيخليك محتاج تعرف دايمًا إيه هي الكلمات دي وتحاول انك تحطها في المحتوى بتاعك باستمرار عشان تقدر تحقق واحدة من أهم خطوات الاجابة على سؤال ازاي ازود عدد المتابعين في الفيس بوك.

• اختيار افضل الاوقات للنشر في الفيس بوك:

بسبب الانشغال وزحمة الحياة مبيقدرش كل المستخدمين انهم يفتحوا الفيس بوك باستمرار او على مدار اليوم. ولكن في زحمة الحياة دي بيكون في اوقات بيتفاعل وبيتواجد فيها ناس كتير على الفيس بوك زي وقت بعد الشغل على طول لانهم بيكونوا في المواصلات ومحتاجين يسلوا نفسهم او باليل قبل النوم لان من عاداتنا بنقلب في التليفون قبل النوم شوية وهكذا والاوقات دي بتقدر تعرفها بسهولة من خلال Meta business suite ودة عن طريق انك لما بتيجي تنزل بوست جديد من عليه بيديك اختيارات الـ optimal times ودي بتكون أحسن أوقات جمهورك بيتفاعل فيها والايام كمان وهنا لازم تاخد بالك ان مينصحش اوي بانك تنزل بوست في اخر الاسبوع مثلا لان الناس غالبًا بتكون خارجة او مع العيلة الا لو الوقت دة ظهرلك في الـ optimal time.

• نشر القصص Story

بسبب الشغل والدراسة وغيره بقى لكل واحد مننا معارف كتير وغالبًا بيكونوا موجودين كلهم على الفيس بوك عندنا ودة اللي بيخلي صفحات كتير ميظهرلناش منها اي حاجة رغم تفاعلها عشان كدة بتحتاج دايمًا تنزل ستوري عشان الناس بتشوفها اكتر ما بتشوف البوست وبالتالي يفضل اسمك معلق معاهم ويفضلوا فاكرينك ويقدروا يرشحوك او يكرروا اسمك قدام ناس جديدة ويجيلك عملاء جداد وهنا هتكون جاوبت على سؤال ازاي ازود عدد المتابعين في الفيس بوك.

بعد تطبيق كل الخطوات دي بشكل صحيح هتلاحظ زيادة قوية في عدد المتابعين وهتكون عرفت تجاوب على واحد من أكتر الاسئلة انتشار بين اصحاب الشركات والصفحات على وسائل التواصل وهو "ازاي ازود عدد المتابعين في الفيس بوك؟". ولو لاحظت بنفسك التغيير دة متنساش تجاوب ناس تانية عليه وتخليهم يقروا المقال دة ومقالات تانية كتير من ماركتينج بالعربي عشان تفهم الماركتينج اكتر وتقدر تعرف بخطوات بسيطة تغير شكل التسويق الخاص بيك وتزود مبيعاتك.