طريقة عمل اعلان ممول على الفيس بوك

دليلك لـ عمل اعلان ممول على الفيس بوك خطوة بخطوة

بسبب تطور التكنولوجيا والانترنت اللي بقى أهم جزء في حياتنا. كتير من الشركات إن لم يكن كلها بقت بتعتمد على التسويق الإلكتروني بشكل كامل لتسويق منتجاتها. ودة طبعًا أدى لوجود شركات متخصصة في التسويق الإلكتروني وظهور وظائف مكانتش موجودة قبل كدة. عشان كدة لو كنت صاحب شركة وعايز مبيعات أحسن محتاج تلجأ للتسويق الإلكتروني بس قبلها لازم تفهم أكتر عن التسويق الإلكتروني، أفضل منصات للتسويق الإلكتروني، وكيفية عمل اعلان ممول على الفيس بوك ودة اللي هنعرفك عليه في مقالنا.

أفضل منصات للتسويق الإلكتروني:

قبل ما تعرف أحسن أماكن تسوق فيها إلكترونيًا محتاج تعرف إيه هو التسويق الإلكتروني. التسويق الإلكتروني ببساطة هو إستخدام التكنولوجيا وخاصًة الإنترنت للترويج لمنتجك والوصول للعملاء المستهدفين بأسهل طريقة وأقل تكلفة وبالتالي تحقيق أهدافك التسويقية. والأهداف دي بتختلف باختلاف المجال ووضعك في السوق وعمر شركتك. ومن ضمن الأهداف دي زيادة الوعي بشركتك، زيادة عدد الزيارات لموقعك، وزيادة المبيعات. ودلوقتي في أكتر من طريقة تقدر تسوق بيها إلكترونيًا من خلال أكتر من منصة ولكن أكتر المنصات شهرة وإستخدام من الشركات هي الفيسبوك ومن بعدها إنستجرام. وفي السطور الجاية هنقولك طريقة عمل اعلان ممول على الفيس بوك بالتفصيل.

أهمية عمل اعلان ممول على الفيس بوك:

الفيس بوك بيضم تقريبًا 56% من مستخدمين مواقع التواصل الإجتماعي واللي بيقدر تقريبًا بـ 3 مليار مستخدم ودة بيخليه إختيار كويس جدًا للتسويق من خلاله بسبب كبر حجم الجمهور من جميع الفئات والطبقات. دة غير إن التسويق من خلال اعلان ممول على الفيس بوك بيتيحلك سهولة إختيار الجمهور المستهدف عشان تقدر توصل للعملاء اللي عايزهم بسهولة وكمان بتكلفة أقل بكتير مقارنة بطرق التسويق الأخرى. عشان كدة لو إنت صاحب شركة أو بيزنس سواء كان كبير أو صغير مينفعش مايكنش عمل اعلانات ممولة على الفيس بوك جزء أساسي من خطتك التسويقية ومينفعش متبقاش عارف طريقة عمل اعلان ممول على الفيس بوك.

طريقة عمل اعلان ممول على الفيس بوك:

في أكتر من طريقة عمل اعلان ممول على الفيس بوك ولكن دلوقتي هنقولك أكتر واحدة منتشرة وفعالة فيهم بالخطوات:

1. إنشاء حساب اعلاني من خلال اللينك دة https://www.facebook.com/ads/manager/
2. تسجيل الدخول على مدير الإعلانات أو الـ Ads manager
3. دوس على كلمة إنشاء حملة إعلانية أو Create campaign
4. إختار هدف الحملة ودة معناه الحاجة اللي منتظرها من الإعلان سواء رسائل أو غيره وهنتكلم عنهم بالتفصيل كمان شوية.
5. إختار إسم للحملة ويفضل تسميتها بالهدف وإسم الصفحة عشان متنساش
6. اضغط على التالي
7. إختار تاريخ بدء الحملة وتاريخ النهاية
8. إختار التكلفة اليومية حسب ميزانيتك ومع تغيير الميزانية هتتغير أرقام النتائج ودة بيسهل عليك تحديد التكلفة المناسبة.
9. وبعدها هنيجي لمرحلة إختيار المستهدفين وهنبدأ باختيار المناطق السكنية ليهم سواء مصر كلها أو محافظات أو حتى مناطق صغيرة.
10. أهم خطوة محتاج تعرفها في طريقة عمل اعلان ممول على الفيس بوك هي انك تختار سن العملاء وجنسهم ودة مهم جدًا وبختلف حسب المنتج اللي بتسوقله عشان كدة مهم تكون دارس عملائك كويس.
11. آخر وأهم خطوة هي ال detailed audience وهنا بتبدأ تختار إهتمامات المستهدفين زي إنهم يكونوا أمهات، خريجين، بيشتغلوا في مجال معين، وحاجات تانية كتير وتقدر كمان تختار أعضاء نادي معين أو حتى الناس اللي بتمتلك ماركة عربيات أو تليفونات معينة.
12. أخر مرحلة في طريقة عمل اعلان ممول على الفيس بوك هي مرحلة المراجعة اللي بتتأكد فيها إن كل الخطوات مظبوطة وبتدوس على نشر أو publish وبكدة إنت عملت اعلان ممول على الفيس بوك وبتقدر تراجعه كل فترة عشان تشوف النتائج وصلت لأيه وهل هي مرضية ليك ولا لا. ولكن افتكر دايمًا إنك عشان تحكم على نتائج الحملة محتاج تستنى مش أقل من 4 أو 5 أيام عشان تقدر تحكم هل الحملة ناجحة ولا ضعيفة وتوقع إن أول يومين هتكون التكلفة عالية شوية ولكنها بتقل تدريجيًا. وبكدة انت تكون عرفت طريقة عمل اعلان ممول على الفيس بوك بالتفصيل وقدرت تحدد أهميته لشركتك.

أهداف الاعلان الممول على الفيس بوك:

بعد ما عرفت خطوات و طريقة عمل اعلان ممول على الفيس بوك بيكون لازم تختار هدف الحملة الإعلانية والهدف دة بيكون على حسب مكانك في الخطة التسويقية وانت واصل لفين والأهداف دي بتكون:

هدف الوصول:

هدف الوصول أو الـ reach هو هدف من أهداف إعلانات الفيسبوك المهمة جدًا لو إنت في البداية لأن دوره بيكون في الوصول لأكتر عدد من الناس في الفئة اللي هتختارها. وهنا إنت مش بتكون مستني أي رد أو فعل من المستهدفين وإنما بتكون عايزهم يشوفوك ويعرفوا أكتر عن منتجاتك وخدماتك عشان يكتسبوا ثقة فيك ومع تكرار إسم شركتك قدامهم هيصبحوا عملاء ليك.

هدف الوعي بالعلامة التجارية:

في مرحلة بناء علامتك التجارية بتحتاج إن الناس تكون عارفة شركتك أكتر وعشان كدة إختيار هدف الوعي بالعلامة التجارية بيكون إختيار كويس جدًا. وهنا بيبدأ الفيسبوك يظهر إعلانك الممول لأكتر ناس عرضة إنهم يفتكروا شركتك أو يحتاجوها وبالتالي تزيد فرصة إنهم يكونوا عملاء دائمين أو يرشحوك لحد من المقربين ليهم.

هدف الرسائل:

الهدف دة بيخلي الفيسبوك يظهر إعلانك الممول لأكتر ناس بتبعت رسائل ودة غالبًا بيكون للإعلان عن منتج معين أو خدمة معينة وبتحتاج إن الناس تبعتلك رسالة تسألك فيها عن التفاصيل أو تشتري. ودة بيكون حلو جدًا لعمليات إعادة الإستهداف بعد كدة لأنك بتكون محتفظ برسائل العملاء كلها.

هدف زيارات الموقع:

إختيار هدف زيارات الموقع بيكون مناسب جدًا لو بتسوق من خلال موقعك الإلكتروني ودة بيفيدك في التسويق من خلال الـ SEO وكمان بيساعد العملاء إنهم يعرفوا أكتر عن منتجك أو خدمتك ويطلبوها من خلال الموقع.

هدف التفاعل:

مع إختيار هدف التفاعل الفيسبوك بيبدأ يظهر إعلانك الممول للناس اللي بتتفاعل مع الصفحات بشكل أكبر بحيث يبدأوا يعملوا تعليقات أو إعجابات أو حتى مشاركة وعشان كدة بيُنصح دايمًا إن محتوى البوست نفسه يكون بيسأل العملاء على حاجة أو يكون فيه معلومة كويسة فا يبدأ الناس يتفاعلوا بالمشاركة أو بالمنشن لأصدقائهم.

هدف إعجاب الصفحة:

عدد الإعجابات على صفحتك مهمة جدًا في ثقة العملاء بيك عشان كدة بتحتاج من فترة للتانية تعمل إعلان ممول على الفيس بوك بهدف إعجابات الصفحة عشان تزود عدد المعجبين بصفحتك وتكبرها وبالتالي تكتسب ثقة العملاء فيك.

هدف تجميع البيانات:

دة من الأهداف القوية جدًا لو متوفر في شركتك فريق مبيعات لأن الهدف دة بيعمل على تجميع بيانات المستهدفين زي أرقام تليفوناتهم وأسمائهم وبالتالي يقدر فريق المبيعات يكلمهم ويقنعهم أكتر بخدماتك.

هدف مشاهدات الفيديوهات:

الفيديوهات هي طريقة من أحسن الطرق لعرض منتجك، خدماتك، شركتك، أو متجرك وعشان كدة لو قدرت تعمل فيديو بجودة عالية ويكون محترف فعلًا؛ إختيار هدف مشاهدة الفيديوهات هيكون اختيار مناسب جدًا لأن الفيس بوك بيبدأ يظهر إعلانك الممول أو الفيديو الخاص بيك لناس بتحب مشاهدة الفيديوهات فا بيسمحلهم يعرفوا أكتر عن خدماتك. وهنا بتقدر تتابع النتائج وتعرف هل الناس بتتخطى الاعلان أول ما بيظهر ولا بيشوفوا جزء صغير منه ولا بيشوفوه كامل عشان تعرف تحدد مشاكلك وتتفاداها بعد كدة.

طرق الدفع لاعلان ممول على الفيس بوك:

في أكتر من طريقة تقدر تدفع تكلفة اعلانات الفيس بوك من خلالها. الأولى هي اللي بيستخدمها أغلب الناس والمسوقين وهي إضافة الفيزا أو الكارت الخاص بيهم أو من خلال فوري وكمان ممكن من الدفع من خلال أكونت paypal. وفي البداية بيشتغل الاعلان الممول على الفيس بوك من غير سحب أي فلوس لأول 200 جنيه وبعدها بيتم خصمهم لحد ما تكمل الـ 200 التانيين وهكذا.

نصائح للحصول على احسن نتائج من الاعلان الممول على الفيس بوك:

النتائج بتختلف من حملة اعلانية للتانية ولكن ف الأخر كل اللي بيهتم بيه صاحب العمل هو النتائج وعشان كدة هنقولك على نصايح تعملها تحسن من جودة اعلانك بعد ما عرفت طريقة عمل اعلان ممول على الفيس بوك وتخليك تحصل على نتائج مرضية:

• المحتوى لازم يكون جذاب ويحسس القاريء إن الاعلان دة معمول عشانه هو مخصوص.
• سياسة الفيسبوك الجديدة بتدي تقييم أفضل للإعلانات الأصغر في الحجم عشان كدة حاول إن إعلانك ميعديش الـ 280 حرف أو على الأقل ميكنش طويل أوي.
• الصورة هي أول حاجة بيشوفها المستخدم عشان كدة لازم تكون إبداعية وبتوصل الرسالة.
• لازم الصور المستخدمة كلها تكون بجودة عالية ويكون مقاسها متوافق مع مقاس الفيسبوك عشان تتأكد إنها هتظهر للمستخدم كاملة.
• لازم يكون عندك CTA قوي ويكون متماشي مع هدفك الإعلاني بمنى إنك مينفعش تطلب من الناس يعملوا إعجاب للصفحة وهدفك هو المكالمات أو التفاعل.
• حاول تتبع دايمًا استراتيجية الـ FOMO أو إنك تحسس المستخدم إن هيفوته حاجة كبيرة لو مشتراش منتجاتك ومش هيكون مواكب للناس اللي حواليه.
  
• ركز جدًا على تحديد جمهورك المستهدف والأفضل إنك ترسم buyer persona أو شخصية خيالية للمشتري المثالي في دماغك عشان تقدر تحدد كل حاجة في استهدافك صح.
  
• اعمل اكتر من اعلان بنفس الهدف عشان تقدر تختبر أنهي نسخة وأنهي استهداف نتائجهم أحسن.
  
• اعتمد على إعادة الإستهداف للعملاء اللي اشتروا منك بالفعل وخصوصًا في أوقات العروض.
  
• اعمل تحليل شامل وقوي لمنافسينك عشان تقدر تتجنب أي نقاط ضعف عندهم وتقدر تنفذ نقاط القوة ويكون عندك احسن منها.
  
• اتبع سياسات الفيس بوك عشان تتجنب أي مشاكل ممكن تحصل واللي منها وقف الحساب الإعلاني أو منع الصفحة من عمل أي اعلانات.
  
• اعتمد على الإيموجي في كتابة الإعلان ولكن مش بكترة، كفاية واحد أو اتنين ويكونوا بيعبروا عن الجملة اللي كتبتها.
  
• حاول تستخدم الفيديوهات في اعلاناتك لأن نتايجها بتكون أحسن كتير من إستخدام الصور.
  
• اعتمد في إعلاناتك على رأي الجمهور السابق ويفضل يكون عن طريق فيديو لأن دة هيزود ثقة العملاء الجدد فيك ويشجعهم ياخدوا قرار.

بكدة انت عرفت طريقة عمل اعلان ممول على الفيس بوك ولكن دة ميمنفعش إنك محتاج تستعين بالخبراء دايمًا ودة ممكن يكون عن طريق تعيين مسوق إلكتروني وكاتب محتوى ومصمم جرافيك أو عن طريق تعيين شركة تسويق تكون مسؤولة عن التسويق الإلكتروني الخاص بشركتك. وشركة Trendlix تعتبر واحدة من أكبر شركات التسويق في مصر.